Sorry, this entry is only available in KZ and Russian. For the sake of viewer convenience, the content is shown below in this site default language. You may click one of the links to switch the site language to another available language.

АЛМАТЫ. 4 маусым. Qyzdar Ýnıversıteti – Қазақ ұлттық қыздар педагогикалық университетінің 50 студенті биылғы «Жасыл ел» бағдарламасының жазғы маусымы кезінде еңбек етеді.

Атап айтқанда, студенттік жасақ құрамында Педагогика-психология факультетінің 12, Қазақ филологиясы және әлем тілдері факультетінің 12, Физика-математика факультетінің 10, Өнер және мәдениет факультетінің 2, Әлеуметтік-гуманитарлық факультетінің 8 және Жаратылыстану факультетінің 6 студенті маусым-шілде айларында жұмыс атқармақ. Білімгерлер университет тарапынан тегін жатақханамен қамтамасыз етіліп, еңбекақы алады.

– Біздің басты мақсатымыз – ару қала Алматыны абаттандыру жұмыстарына өз үлесімізді қосу. Жастар тек қана шаһарда ғана емес, таулы аймақтарда да жұмыс істейді. Аталған бағдарлама ая­сын­да еңбектенетін студенттер бүгінгі күнде көше­лер­ді, арық бойларын тазалап қана қой­май, футбол алаңдарын ретке келтіріп, қураған ағаштарды ке­сіп, тасжол жиектерін әктеу сияқты игілікті істер атқармақ. «Таза болса маңы­мыз, сау болады тәніміз» дегендей «Жасыл ел» жа­сақшылары қоршаған ортаның көркеюіне, қоғамдық орындардың таза тұруына өз септігін тигізетін болады, – дейді Қыздар университетінің «Жасыл ел» жастар еңбек жасағының мүшелері.

«Еңбек етсең ерінбей, тояды қарның тіленбей» деген философияны өс­ке­лең ұрпаққа ұғындырып, жазғы де­малыстарын босқа өткіз­бей, жұ­мыс істеп, қосымша қаржы табуға мо­лынан мүмкіндік тудырды. Жылдан жылға жалпыұлт­тық ба­с­тамаға үн қатып, қолдау біл­діру­ші студенттердің, жалпы жас­тардың қатары артып келеді.

– Жастар – ұлт келешегі, қоғам айнасы. Оларға қарап болашақтағы қоғамның қандай болатынын болжаймыз. Со­ндық­тан да өскелең ұрпақтың қызығушылығын қоғам игілігіне қарай бұру дұрыс дүние. Жал­пы, қандай елде болсын аза­маттарының, жастарының ел ісіне араласуы жақсы құбылыс. Бүгінде елімізде жастар саясаты жүзеге асырылуда. Бұл орайда көптеген игі бастамалар өз жемісін беріп келеді. Осы саясатты іске асырудың негізгі мін­деттерінің бірі – жастарды ел­жан­­дылыққа тәрбиелеу, ішкі саяси тұ­рақ­тылықты нығайту. Аталған мін­деттерді іске асыру мақсатында республика бойынша жастарды пат­риоттық тәрбиелеу іс-шаралары да әзірленген. Солардың бірі – «Жасыл ел» бағдарламасы, – деп атап өтті оқу орнының Әлеуметтік даму жөніндегі проректоры Жаңагүл Сұлтанова.

БАСПАСӨЗ ЖӘНЕ ҚОҒАММЕН БАЙЛАНЫС БӨЛІМІ

Байланыс телефоны: 8 (727) 247-00-07

e-mail: kyzdaruniversity@gmail.com

facebook: qyzdaryniversiteti

vkontakte: qyzdar_yniver

instagram: qyzdar_yniversiteti

youtube: qyzdar уniversiteti

Егер сайттан қате тапсаңыз, қате мәтінді белгілеп Ctrl+Enter пернесін басыңыз.