Факультет туралы жалпы мәлімет


 

Қазақ филологиясы және әлем тілдері факультетінің миссиясы: ұтқыр, қазіргі заманғы отандық және халықаралық талаптарға сай бәсекеге қабілетті, толерантты, креативті, адамгершілігі жоғары, педагогикалық ғылым мен тәжірибе саласында құзыретті, еңбек нарығында сұранысқа ие, өзін-өзі тиімді кәсіби жетілдіруге қабілетті, өскелең ұрпақтың оқу, тәрбие және дамуына жауапкершілікті мойнына алуға дайын, инновациялық (жаңашыл) тұрғыдан жан-жақты ойлайтын  және патриотизмге тәрбиеленген мамандарды даярлау.

Қазақ филологиясы және әлем тілдері факультеті – университет алғаш шаңырақ көтергелі  бері жұмыс жасап келе жатқан байырғы әрі беделді факультеттердің бірі.

Жетпіс жылға жуық  тарихы бар факультетте 7 кафедра жұмыс істейді. Олар: Қазақ тіл білімі, Қазақ әдебиеті, Тіл теориясы және оқыту әдістемесі, Орыс тілі мен әдебиеті, Базалық негізгі және екінші шетел тілдері, Шетел тілін оқыту әдістемесі, Практикалық шетел тілдері кафедралары.

Факультетте ұлтымыздың ұлы ұстазы А.БАйтұрсынов атындағы зертхана және әр жылдары еңбек еткен көрнекті әдебиетші, тілші, ғалымдар: З.Ахметов, С.Исаев, Ә.Құрышжанұлы, А.Аблақов, әйгілі ұстаз, Еңбек ері Р.Нұртазина, Ш.Х.Сарыбаев атындағы оқыту әдістемелік кабинеттер, қазақ фольклоры, қазақ әдебиетінің тарихы және әдебиетті оқыту әдістемесі дәрісханасы жабдықталған. Көптілді білім беруді дамыту орталығында қытай тілі, түрік тілі, парсы тілі кабиенеттері және ағылшын тілін тереңдетіп оқыту үшін арнайы ресурс орталығы жұмыс жасайды.

Факультет:

– «5В011700 – Қазақ тілі мен әдебиеті»

– «5В020500 – Филология»

– «5В011800 – Орыс тілі мен әдебиеті»

– «5В012100 – Қазақ тілінде оқытпайтын мектептердегі қазақ тілі мен әдебиеті»

– «5В012200 –  Орыс тілінде оқытпайтын мектептердегі орыс тілі мен әдебиеті»

– «5В011900 – Шетел тілі: екі шетел тілі» мамандықтары бойынша жоғары білімді мұғалімдер,

– «6М020500 – Филология»

– «6М011700 – Қазақ тілі мен әдебиеті»

– «6М012100 – Қазақ тілінде оқытпайтын мектептердегі қазақ тілі мен әдебиеті»

– «6М011900 – Шетел тілі: екі шетел тілі»

– «6М012200 –  Орыс тілінде оқытпайтын мектептердегі орыс тілі мен әдебиеті» мамандықтары бойынша мемлекеттік жалпыға міндетті стандарты (ҚР МЖМБС 3.09.277-2006) негізінде (2 жылдық) магистранттар дайындайды.

PhD докторантура

– «6D020500-Филология»

– «6D 011700 – Қазақ тілі мен әдебиеті» мамандықтары бойынша доктранттар дайындайды.

Бүгінгі таңда университетімізде  LAMS Ұлыбритания университеті, Честер университеті және Миссисипи университеттерімен қос дипломдық оқу бағдарламасы іске асуда.

Қазіргі таңда факультет бойынша күндізгі бөлімде 1060 студент, сырттай бөлімде 326 студент оқиды. 124 профессор-оқытушы, оның ішінде 12 ғалым докторы, 7 профессор, 38 ғылым кандидаты, доценттер, 45 аға оқытушы қызмет атқарады. «ЖОО үздік оқытушысы» мемлекеттік грантының иегері – 12. Факультеттегі профессор оқытушылар құрамының ғылыми атағы мен дәрежесі 40,32 % құрайды. 542 студент – мемлекеттік білім грантының, 7 студент Қазақстан Республикасы Президентінің шәкіртақысының, 1 студент З.Ахметов атындағы арнаулы шәкіртақысының иегері.

Еліміздегі ірі ғылыми – педагогикалық орталық болдып есептелетін факультетте мемлекеттік грант негізінде оқитын студенттер 3 мезгіл тамақпен және жатақханамен қамтамасыз етіледі. Кітапхана, асхана, факультетке қарасты 594 орынды екі жатақхана оқу ғимаратының жанында орналасқан.

Оқу мерзімі:

Орта біліммен – 4 жыл

Орта кәсіптік біліммен –3жыл

Жоғары кәсіби біліммен – 2 жыл

Егер сайттан қате тапсаңыз, қате мәтінді белгілеп Ctrl+Enter пернесін басыңыз.