«Қазақ тіл білімінің теориясы мен әдістемесі» кафедрасы – тағылымға толы тарихы бар, іргелі кафедралардың бірі. Алғаш «Тілдер кафедрасы» деп аталатын бұл кафедрадан 1946 жылдары Орыс тілі, Қазақ тілі, Орыс және шетел әдебиеті, Шет тілі кафедралары бөлініп шықты.

Кафедрада қазақ тіл білімі мен түркітануда есімдері танымал профессорлар Ә.Марғұлан, Н.Т.Сауранбаев, М.Балақаев, С.Аманжолов, Т.Қордабаев, А.Төлеуов Ә.Құрышжанұлы, Ғ.Айдаров, Ғ.Мадина, М.Дүйсебаева, Х.Қожахметова, Р.Сыздық З.Бейсембаева, Р.Шойбеков сынды ғалымдар еңбек еткен.

Кафедраны әр жылдары академик Н.Сауранбаев, проф. А.Ысқақов, С.Исаев, Ә.Аблақов,  Б.Хасанұлы, Р.Шойбеков, З.Бейсембаева, Т.Ермекова, Ж.Сүлейменова басқарған.

2016 жылы  «Қазақ тіл білімі»  кафедрасы мен  «Тіл теориясы және оқыту әдістемесі» кафедралары  біріктіріліп, «Қазақ тіл білімінің теориясы мен әдістемесі» кафедрасы болып қайта құрылды. Кафедра меңгерушісі – п.ғ.д., профессор Ж.Н.Сүлейменова.

Кафедраның ғылыми әлеуеті жоғары, 5 ғылым докторы, 11 ғылым кандидаты, 12 магистр оқытушы бар, олар:   ф.ғ.д., проф.Тымболова А., п.ғ.д., проф.Сүлейменова Ж., ф.ғ.д., проф.Ермекова Т., п.ғ.д., проф. Сатбекова А., ф.ғ.д, проф. Қалыбаева Қ., ф.ғ.к., проф. м.а. Отарбекова Ж., ф.ғ.к., проф.м.а. Абдирасилова Г., ф.ғ.к., проф.м.а. Қайдарова Г.,  ф.ғ.к, қауымд. проф.м.а. Оданова С., ф.ғ.к., проф.м.а. Асанбаева С., ф.ғ.к., проф.м.а. Сембаева А., п.ғ.к., қауымд.проф.м.а. Ерхожина Ш., ф.ғ.к., қауымд.проф. м.а. Сұлтанова Б., ф.ғ.к., қауым.проф.м.а. Шойбекова Ғ., ф.ғ.к., аға оқытушы Абитжанова Ж., ф.ғ.к., аға оқытушы Ибраймова Л., аға оқытушы Қанабекова М., магистр-аға оқытушылар Сүлейменова Г., Балабекова Қ., Сатбекова А., Байтімбетова П. Нұржанова Б., Беркутбаева М., Джамамбетова Ә. Сарбалина А., Амиржаева А., Абдрасилова А., Ескермесова Г. қызмет етеді.

Кафедра оқытушылары – ҚР БжҒМ бекіткен жалпы білім беретін орта мектептер мен арнаулы орта, жоғары оқу орындарына арналған білім стандарттарының, типтік оқу бағдарламалары мен оқулықтардың, оқу құралдарының авторлары.

Кафедрада «Латын графикасына өтуге байланысты интерактивті үйретуші бағдарламалар жасаудың лингвистикалық негіздері мен мультимедиялық технологиялары» атты жоба (жоба мүшелері:Т.Н. Ермекова, Ғ.Б.Шойбекова, С.А.Оданова, Н.А.Жаңабаева); «Қазіргі қазақ тілінің тәуелсіздік кезеңіндегі лексикалық инновациялар» (жоба орындаушысы – Қанабекова М.Қ.);  «Ана тілін меңгеру модельдері (бала тілі материалдары негізінде)» (жоба орындаушысы Т.Н.Ермекова) және «Қазақстан ұйғырларының тарихи-мәдени, әдеби мұрасы» атты халықаралық жоба  (Ж.Н. Сүлейменова, PhD докторы, доцент Адем Өгер) орындалуда.

Жыл сайын «Құрышжанов оқулары», «Исаев оқулары» атты дәстүрлі студенттер мен магистранттар, докторанттар қатысатын халықаралық, республикалық конференциялар өткізіледі. Дәстүрлі «Қазақ тілінен» пәндік олимпиада өтеді.

Кафедра «5В020500 –Филология» мамандығы мен «5В012100 – Қазақ тілінде оқытпайтын мектептердегі қазақ тілі мен әдебиеті», «5В011700-Қазақ тілі мен әдебиеті» мамандықтары бойынша мамандар даярлайды.

Кафедра 6D020500 – «Филология» мамандығы бойынша докторанттар және магистрлер дайындайды. 6D020500 – «Филология» мамандығы бойынша бітірушілерге философия PhD докторы академиялық дәрежесі беріледі. 6М020500-«Филология» мамандығы бойынша гуманитарлық ғылымдар магистрі дәрежесі беріледі. 6М012100 – «Қазақ тілінде оқытпайтын мектептердегі қазақ тілі мен әдебиеті» мамандығы бойынша білім беру бағдарламалары негізінде магистрлер дайындайды, Оларға «Педагогика ғылымдарының магистрі» академиялық дәрежесі беріледі.

Педпрактика бойынша №3 Жалпы білім беретін мектеп, №143 С.Аронұлы атындағы мектеп, №59 мектеп-гимназия, №148 мектеп-гимназия, №167 Жалпы білім беретін мектеп, Алматы қаласындағы химия-биология бағытындағы Назарбаев Зияткерлік  мектебі, №140 М.Мақатаев атындағы мектеп-гимназия,  Алматы қаласындағы физика-математика бағытындағы Назарбаев зияткерлік мектебі, № 1 Алматы қазақ мемлекеттік гуманитарлық педагогтік колледжі сияқты білім беру мекемелерімен келісімшарт жасалып, байланыс орнатылған.

Кафедрада 9 эдвайзер бар. Олар: Г.Сүлейменова, Ж.Отарбекова, Қ.Балабекова, Ғ.Шойбекова, П.Байтимбетова, Ж.Абитжанова, А.Сатбекова, А.Абдрасилова, А.Амиржаева.

Кафедрада топ эдвайзерлерінің тәрбие жұмыстарының жоспары бекітіліп, жоспарға сай жұмыстар жүргізіледі. Эдвайзерлер топ студенттерінің жатақханаға орналасуын, арнайы медициналық тексерістен өтуін қадағалап,  әртүрлі тақырыптарда әлеуметтік-тәрбие жұмыстарын жүргізіп отырады.

Кафедрада «Үміт», «Жас әдіскер» үйірмелері, «Руна» танымдық клубы жұмыс істейді. Клуб аясында «Түбі бір түркіміз» фестивалі, түркологиялық семинарлар, тренигтер мен конференциялар өткізіліп тұрады.

Егер сайттан қате тапсаңыз, қате мәтінді белгілеп Ctrl+Enter пернесін басыңыз.