Елбасының: «Қазақстанға үштұғырлы тіл қажет, ол – еліміздің  жарқын болашағының кепілі» – дегентапсырмасын жүзеге асыру мақсатында заман талаптарының сұраныстарына сәйкес университетте филология факультетіне қарасты  Базалық негізгі және екінші шетел тілдері кафедрасы  2006 жылы құрылды.

01.09.2007 ж.Базалық негізгі және екінші шетел тілдері кафедрасы Қазақ мемлекеттік қыздар педагогикалық университеті ректорының 24.08.2007 жылғы №109 бұйрығына сәйкес құрылғанШетел тілдері факультетінің құрамына енді.

2006-2009 жылдараралығында кафедра меңгерушісі қызметін республикаға белгілі ғалым, педагогика ғылымдарының докторы, ҚР  Білім беру ісінің үздігі, ҚР  Білім беру ісінің құрметті қызметкері, республикалық PhD диссертациялық кеңестің мүшесі, «Қазақстан мектептеріндегі шетел тілдері», «Шетел тілін оқыту әдістемесі», «Педагогика және өнер» журналдарының бас редакторы Бәйнеш Шолпан Борантайқызы атқарды.

2009-2010 жылдары конкурс негізінде кафедра меңгерушісі болыпбірнеше оқу құралдарының авторы,  п.ғ.к., доцент Ешімбетова Забира Бердібекқызы сайланды.

2010-2016 жылдары  кафедраны Қазақстан Республикасы оқу ісінің озаты, Қазақ мемлекеттік қыздар педагогикалық университеті тағайындаған Б.Бөлтірікова атындағы стипендияның иегері, п.ғ.к. Нұрланбекова Ерия Қашқынбекқызы атқарды.

2015 жылдың қыркүйек айынан бастап кафедраның атауы «Базалық негізгі және екінші  шетел тілдері» атауынан «Шетел тілдері» атауына ауысты.

2016 жылдан конкурс негізінде кафедра меңгерушісі болып PhD доктор Сейдалиева Гулдана Омаровна аткаруда.

Осы жылдар аралығында кафедра ұжымы ғылым кандидаттарымен, магистр-оқытушыларымен толықты. Кафедрада тәжірибе алмасу және әлемдік білім кеңістігіне ену үшін алыс-жақын шетелдік ЖОО-мен, тіл орталықтарымен бірлескен әрекет мақсатында тығыз байланыс орнатылды. Сондай-ақ студенттерге тілді терең меңгерту үшін тіл орталықтары:Шыңжаң ұйғыр автономиялық ауданы төрағасының орынбасары Жин Но ханымның қатысуымен Қытай тілі орталығы (2011 ж.) Түркия Республикасы елшілігі білім бөлімі мен Іскер топтар қауымдастығының қолдауымен №307 кабинет «Түрік тілі» дәрісханасы (2011 ж.), Елші Құрбани Сейфи мырза, ИИР Төтенше және өкілетті елшісінің мәдени кеңесшісі әрі Иран мәдени орталығының директоры Асғар Собери мырзаның қатысумен «Парсы тілі» орталығы мен дәрісханасы (2012 ж.)ашылды.

Кафедра оқытушылары шетелдік университеттермен жасалған келісімшарттың негізінде (Янцзы Университеті, Хубей университеті, Шыңжаң педагогикалық университеті, Қытай орталық университеті, Ухань қаласындағы Хубэй Университеті,Перпиньян университеті,Омер Хализ Демир университеті, Мұғла Сыткы Кочман университеті,) тағылымдамадан, біліктілікті арттыру курстарынан өтті.

Кафедра оқытушылары «5B011900–Шетел тілі: екі шетел тілі» мамандығы студенттеріне екінші шетел тілдерінен  (француз, қытай, парсы, түрік тілдері) сабақ береді .

Кафедра оқытушылары   оқытылатын пәндер бойынша  қазақ және орыс бөлімдерінің студенттеріне арнап оқу құралдарын, оқу-әдістемелік құралдарын,  әдістемелік кешендерді дайындады.

Қазіргі таңда кафедрада  ҒПҚ –12 оқытушы (10 штатта), 1 PhD, 1 ғылым кандидаты ,  4 магистр аға оқытушы, 3 аға оқытушы,    1  магистр-оқытушы қызмет атқарады.

Егер сайттан қате тапсаңыз, қате мәтінді белгілеп Ctrl+Enter пернесін басыңыз.