Тарихы

Қоғамдық-гуманитарлық пәндер кафедрасы ҚазМемҚызПУ-дың ең алғашқы кафедраларының бірі болып саналады. 1944 жылы алғаш рет Марксизм-ленинизм кафедрасы болып іргетасы қаланған.

1962 жылы 25-ші маусым күні ҚазКСР жоғары және орта білім беру министрлігінің  жарлығымен КПСС тарихы кафедрасы құрылды. Осы жылдар аралығында  ф.ғ.к., доцент А.И. Искаков, ф.ғ.д., С.Д. Таңқаев, ф.ғ.к., Т.М. Мусагалиев, ҰҒА академигі ф.ғ.д., Ә.Н. Нысанбаев сынды ұстаз-ғалымдар кафедрны  басқарып, ғылыми әлеуетінің берік болуына атсалысып, еңбек етті.

Бүгін де кафедра заман талабына қайта құруды бастан кешіріп, Қазақстан тәуелсіздік алғаннан кейін «Қоғамдық-гуманитарлық пәндер» кафедрасы болып өзгертілген.

Кафедра «5В050100 – Әлеуметтану» және «5В090500 – Әлеуметтік жұмыс» бакалавр мен «6М050100 – Әлеуметтану» және «6М090500 – Әлеуметтік жұмыс» мамандықтары бойынша ғылыми-педагогикалық бағыттағы магистранттарды дайындайды. Жаһандану заманының талаптарына сай бәсекеге қабілетті кәсіби шеберлігі жоғары креативті мамандар дайындау мақсатында кафедра ұжымы қажырлы еңбек етіп келеді.

 

Профессор-оқытушылар құрамы

Кафедрада кәсіби біліктілігі жоғары мамандар қызмет етеді. Педагог-оқытушы құрамында 4 ғылым докторы, 6 ғылым кандидаты, 7 магистр оқытушы қызмет етеді. Қоғамдық-гуманитарлық пәндер кафедрасының ғылым докторлары: с.ғ.д. Иманбекова Б.И, ф.ғ.д, доцент Оспанов С.И., ф.ғ.д. Аташ Б.М., PhD докторы Сарсенова А.Б. Ғылым кандидаттары: ә.ғ.к. Жайшибекова К., ә.ғ.к. Ләпбаева Н.И., ф.ғ.к., доцент Анасова Қ.Т., с.ғ.к. Аксакалова М.К., ф..ғ.к. Джекебаева М.А., с.ғ.к. Сарсенбаева Ж.Ғ.  Магистр оқытушылар: Саурбаева Р.С., Қосдаулетова С.Қ., Туғанбаев Қ., Иманбаева С.Ж., Дауылбаева С.Б., Дабылтаева М.М. Алинов А.И. қызмет атқарады.

 

Халықаралық байланыс

 Кафедра АҚШ-тың Миссиссиппи Валлей Стейт Университеті, Ұлыбритания мемлекетінің Лондон қаласындағы LAMS  университетімен,   Түркия мемлекеті Нийде Өмер Халисдемир университетімен  жасалған келісім-шарттар негізінде кафедраға қарасты мамандарды даярлау бағытында академиялық ұтқырлық бойынша тығыз  жұмыстар атқарылып келеді.

 

Кафедра жетістіктері

Кафедра 2013 жылдан бастап жыл сайын Тұңғыш Президент күніне арналған «Ширек ғасырды шыңдаған тұлға», «Н.Ә. Назарбаев-әлемдік деңгейдегі саясаткер» тақырыбында ғылыми семинарлар өткізіліп келеді.

2018 жылы 28 ақпан күні қалалық жұмыспен қамту орталығымен бірлесіп «ҚР Президентінің қазақстан халқына жолдауындағы заманауи әлеуметтік мәселелері» атты тақырыпта семинар-тренинг өткізді.

Жыл сайын өткізілетін Қазақстан Республикасы жоғары оқу орындары  арасында өтетін студенттердің республикалық пәндік олимпиадасына,  кафедраға қарасты «5В050100 – Әлеуметтану» және «5В090500 – Әлеуметтік жұмыс» мамандықтары студенттері белсенді қатысып, жүлделі орындарға ие болады. 2018 жылы Х Республикалық студенттік пәндік олимпиадасының ІІ кезеңінде «5В050100 – Әлеуметтану» мамандығы студенттері 3 орынды иеленді. Сонымен қатар, 2018 жылы ҚР Тұңғыш Президенті қорының ұйымдастыруымен «Жас толқын» республикалық олимпиадада  «Ең креативті идея» номинациясы бойынша ІІІ дәрежелі орынға ие болды.

2015-2016 оқу жылынан бастап кафедраның професор оқытушылар құрамы және Алматы облысы әкімдігі бірлесе отырып, әлеуметтік қызметкерлердің біліктілігін көтеруге арналған (көлемі 72 сағат) «Әлеуметтік жұмыстың технологиялық негіздері» тақырыбында біліктілікті жетілдіру курсын өткізіп келеді.

Қазіргі кезеңде қоғамдық-гуманитарлық пәндер кафедрасы университеттің беделді кафедраларының бірі ретінде қоғамдық-әлеуметтік іс-шараларына белсенді ат салысады. Қазақстан Республикасы Президентінің жыл сайынғы Қазақстан халқына Жолдауын, «Болашаққа бағдар: рухани жаңғыру» бағдарламасын насихаттау жұмыстарын жүйелі жүргізіп келеді.

 

Ағымдағы жылдың 1-14 желтоқсаны аралығында  университет басшылығының шақыртуымен  АҚШ-тың  Миссиссиппи Валлей Стейт Университетінен «Қоғамдық-гуманитарлық пәндер» кафедрасына магистранттар  мен студенттерге дәріс оқу үшін  профессор, PhD доктор Кэтти Голден келді. Профессордың дәріс тақырыптары  «Әлеуметтік жұмыстың заманауи технологиялары» тақырыбында өтті. Бұл дәріс студенттерімізге шетелдік тәжірибемен жан-жақты танысуға мүмкіндік тудырды.

 

диплом сагадиев
старт ап диплом

Егер сайттан қате тапсаңыз, қате мәтінді белгілеп Ctrl+Enter пернесін басыңыз.