Кафедра тарихы

Қазақ мемлекеттік қыздар педагогикалық университетіндегі Тарих кафедрасы университеттің іргетасы қаланғаннан бері жұмыс істейді.  Кафедраның негізін қалаушы ұстаз-профессорлар: К.Н.Нұрпейіс, К.Р. Аманжолов, А.С.Құрманбаев. Ұзақ жылдар кафедрада еңбек еткен доценттер: Т.С.Сарбаханов, С.М.Аймбетов, п.ғ.к., профессор С.А. Тортаев және т.б.

«Тарих» кафедрасы болып 2001 жылы 18 қыркүйекте құрылды. Тарих кафедрасының меңгерушісі т.ғ.д., профессор м.а., Халықаралық педагогикалық ғылымдар академиясының корреспондент мүшесі, «Үздік оқытушы» грантының иегері Кожакеева Ляззат Темирбековна.

Тарих кафедрасы «5В020300-тарих», «5В011400-тарих» мамандығы бойынша бакалавр және «6М020300-Тарих» магистрлерін даярлайды.

«Тарих» кафедрасындағы мамандықтар білікті кадрлармен қамтамасыз етілген. 2017-2018 оқу жылында профессорлық-оқытушылар құрамының штат саны – 15 адамды құрап, оның ішінде ғылыми дәрежесі мен атағы барлар саны–15 (66,6%). Кафедрада тарих ғылымдарының докторы – 4, тарих ғылымдарының кандидаты – 8, PhD докторы – 2, ғылым магистрлері – 3 қызмет атқарады. Ғылым дәрежесі мен атағы бар профессорлық-оқытушылар құрамының орта жасы – 42 жас.

Кафедра оқытушылары Қазақстан тарихы, Еуропа және Америка, Азия және Африка елдерінің тарихы, халықаралық қатынастар тарихы, шетелдердің тарихнамасы және тағы басқа пәндер бойынша дәрістер өтеді. Соңғы жылдары – тарих ғылымындағы қазіргі пәнаралық зерттеулер, әлемдік өркениеттер тарихы, Ресей және Кеңес мемлекетінің тарихы, тарих ғылымындағы теориялық методологиялық мәселелер жөнінде жаңа таңдау курстары енгізілді.

Кафедрада оқытушылар үнемі тақырыптық сұхбаттар жүргізу, университеттің дөңгелек үстелдерінде және маңызды іс-шараларға арналған баяндамалар ұсыну, Қазақстан Республикасы Президентінің жыл сайынғы Қазақстан халқына Жолдауын талқылау сынды жақсы дәстүрлер қалыптасқан.

Тарих кафедрасының ұжымы Қазақстан ғылымына және университетке сіңірген еңбегін ескере отырып, тарих ғылымдарының докторы, профессор, Қазақстан Республикасының Ұлттық Ғылым академиясының академигі Кеңес Нұрпейісовке арнап дәрісхана ашты. Бұл дәрісханадан білім алушылар білім нәрімен сусындап қана қоймай, ғалымның көзі тірісінде алған әр түрлі дәрежедегі атақтары мен дипломдары, жеке мұрағатынан алынған фотосуреттері және еңбектерімен таныса алады. Сонымен қатар 2010 жылы наурыз айынан бастап  «Нұрпейіс оқулары» аясында Халықаралық ғылыми-практикалық конференция кафедрада жыл сайын өткізіліп тұрады.

Студенттік алмасу және академиялық мобильділік бағдарламаларының аясында кафедра студенттері мен магистранттары, докторанттары шет елдік университеттерге тағылымдамаға жіберіліп отырады.

 

Кафедра жетістіктері

Кафедраның профессор-оқытушылары жыл сайын Мимар-Синан атындағы Түркия университеті (Стамбул), Ресей Ұлттық ғылыми академиясының «Этнология және антропология» институтымен, Мирзо Ұлықбек атындағы Өзбекстан мемлекеттік университеті және басқа да алыс-жақын шетелдік жоғары оқу орындарымен ғылыми байланыс жасап тәжірибеден өтуде.

Кафедра ұжымы болашақ тарихшы студенттердің республикалық деңгейлердегі байқауларға қатысуына да барынша көмектесіп, жүлделі орындар алуына себепкер болып отырады. Мысалы: тарихшы студенттер Республикалық  «Атажұрт» телебайқауында 2-орынды, Қазақстанның ЕҚЫҰ төрағалығына арналып, Алматы қаласындағы ЖОО мен ОАОО студенттері  арасында өткен «Қазақстан-Әлемдік Қауымдастықта» тақырыбындағы публицистикалық жұмыстар байқауында 1-орынды алды. Ақтау қаласында өткен Ш. Есенов атындағы Каспий мемлекеттік технологиялар және инжиниринг университетінде ІІІ Республикалық олимпиадаға қатысып, «Үздік жетістігі» номинациясы бойынша марапатталды. Ал т.ғ.к., аға оқытушы Б.Т. Жұбанышовтың бастамасымен кафедра оқытушылары қалалық және Республика аралық студенттер арасында ҚР Тәуелсіздіктің 20 жылдығына орай «Тәуелсіздік елімнің бойтұмары!» және «Ұлы даланың тарихи тұлғалары» атты тақырыпта пәндік олимпиадалар өткізді.

 

Марапаттаулар

Кафедра меңгерушісі, т.ғ.д., профессор Л.Т. Қожакеева Л.Т. «ҚР Үздік оқытушысы» грантын жеңіп алды, сонымен қатар «ҚР Білім беру ісінің үздігі», «ҚР Білім беру ісінің құрметті қызметкері»төсбелгісімен марапатталды.

Кафедраның доценті, т.ғ.к., Ж.Б.Аширбекова «ҚР Үздік оқытушысы» грантын жеңіп алды, Қазақстан Республикасы Білім және ғылым министрлігінің «Қазақстан Республикасының ғылымын дамытуға сіңірген еңбегі үшін», «Ы.Алтынсарин» медалімен марапатталды.

Кафедраның доценті Р.Т. Құсаинова «Ұлағат алтын» төсбелгісімен марапатталды.

Кафедраның доценті., т.ғ.к., Р.Т. Айтбай Қазақстан Республикасы Білім және ғылым министрлігінің «Білім беру ісінің құрметті қызметкері» төсбелгісімен марапатталды.

Кафедраның аға оқушысы т.ғ.к., Б.Т. Жұбанышов Қазақстан Республикасы Білім және ғылым министрі Е. Сағадиевтан Білім беру жүйесін дамытуға қосқан үлесі үшін «Алғыс хатпен» марапатталды.

Егер сайттан қате тапсаңыз, қате мәтінді белгілеп Ctrl+Enter пернесін басыңыз.