Кафедра туралы ақпарат


Кафедра Қазақ мемлекеттік қыздар педагогикалық университетінің 2004 жылдың 28 тамызындағы №168 бұйрығымен “Құқық және экономикалық теория” атауымен құрылды. Алғашқыда кафедра 5В011500 – “Құқық және экономика негіздері” мамандығы бойынша кадрлар дайындау үшін және университеттің барлық мамандықтарына “Құқық негіздері” мен “Экономикалық теория негіздері” пәндерін өткізу үшін ашылды. 2005-2006 оқу жылынан бастап кафедра 5В051000 – “Мемлекеттік және жергілікті басқару” мамандығы бойынша кадрларды дайындай бастады.
2009-2010 оқу жылының басында кафедраға 5В050700 – Менеджмент мамандығын беруге байланысты университеттің 2009 жылдың 25 тамызындағы №29 бұйрығына сәйкес кафедра атауы “Құқық және басқару негіздері” болып өзгертілді.
Қазіргі уақытта “Құқық және басқару негіздері” кафедрасы әлеуметтік-гуманитарлық факультетінің құрамында бола отырып, келесі үш мамандық бойынша кадрлар дайындығын жүзеге асырумен айналысады:
5В011500 – “Құқық және экономика негіздері”;
5В051000 – “Мемлекеттік және жергілікті басқару”;
5В050700 – “Менеджмент”.
Кафедра меңгерушісі – Баданов Арзабек Исабековұлы, экономика ғылымдарының кандидаты, профессор, “Қазақстан Республикасының құрметті білім қызметкері” кеуде белгісінің иегері.

Егер сайттан қате тапсаңыз, қате мәтінді белгілеп Ctrl+Enter пернесін басыңыз.