Кафедра туралы ақпарат


      «Кәсіптік оқыту» кафедрасы

1.Кафедра туралы мәлімет.

Қазақ мемлекеттік қыздар педагогикалық университетіндегі 22-жылдық тарихы бар Кәсіптік білім кафедрасы қазіргі уақытта екі сала бойынша мамандар дайындайды: “Кәсіптік оқыту” (сала бойынша), “Бейнелеу өнері және сызу”, сонымен қатар “Кәсіптік оқыту” мамандығы магистранттарына білім береді. Кафедраның ғылыми-шығармашылық жұмыстарының тақырыбы: “Кәсіби білім беру жүйесіндегі инновациялық технологиялардың ғылыми – әдіснамалық негіздері: қазіргі жағдайы мен даму келешегі”. Болашақ мамандардың кәсіби білімдерін жетілдіру барысында әдістемелік секциялар 3 бағытта  ғылыми-шығармашылық жұмыстар атқарады: қолөнер түрлері, тігін технологиясы, бейнелеу өнері. Кафедрада білікті профессор-оқытушылары мен өнер қайраткерлері қызмет атқарады.

Алғаш осы мамандық 1992 жылы, Жаратылыстану факультетінің «Физика және еңбек кафедрасына»қарасты «Еңбек және киім үлгілерін сәндеу» болып ашылды. Мамандық ашылуына факультет деканы С. Мұқтаров кафедра меңгерушісі Ә.Ж. Жамалов ұлағатты ұстаздар Т.Ж. Шилібаева, Ш.А. Абдуалиева,Р.А. Дәрменова, Н.Б. Рахметова, Ж.О. Орымхан, Қ. К.Алтынбековалар үлес  қосты. 1997 жылы «Еңбек және киім үлгілерін сәндеу» кафедрасы болып жеке бөлініп шығып, кафедра меңгерушісінің қызметін х.ғ.к., доцент Т.А.Амреева атқарды. 2001-жылдан бастап мамандық «Экономика және білімдегі сервис» факультетінің «Кітапханатану, библиография және сервис» кафедрасына қосып, кафедраны п.ғ.к., доцент Қ.Ғ.Нұрахметова басқарды. Институттың 28.08.2004 ж. №168 бұйрығымен «Кітапханатану, библиография және сервис» кафедрасынан «Кәсіптік оқыту және еңбек» кафедрасы жеке бөлініп шығып, кафедра меңгерушісі қызметіне п.ғ.к., доцент Ж.А.Асқарова тағайындалды. 2008 жылы «Кәсіптік білім» кафедрасының меңгерушісі болып, п.ғ.к., доцент Р.А.Дарменова басқарды. 2012 жылы “Кәсіптік білім” кафедрасының меңгерушісі  п.ғ.к., доцент Н.Б.Рахметова басқарды. 2015 жылдан бастап “Кәсіптік білім” кафедрасының меңгерушісінің м.а лауазымын м.а. профессор Р.А. Дәрменова атқарып отыр.

Кафедра ұжымы университет, факультет жалпы қоғам үшін көптеген еңбектерін көрсетуде.

Кәсіптік білім кафедрасында білім беретін ғалым-оқытушылардың әрқайсысы жеке тұлға. Кафедрада оқытушылары “Жоғары оқу орнының үздік оқытушысы грантының иегерлері”, “Алтынсарин медалінің иегері”, “А.Байтұрсынов атындағы төс белгі иегері”, Қазақстан Республикасының Суретшілер және Дизайнерлер одағының мүшелері, Жалпы және 12-жылдық білім беру мектептерінің “Технология”, “Еңбекке баулу” пәндеріне  және жоғарғы оқу орындары пәндеріне “Материалдарды өңдеу технологиясы”, “Қазақтың ұлттық киімдерін үлгілеу”, “Тігін бұйымдарының технологиясы” атты оқулық, әдістемелік құралдарының авторлары.

Олардың әрқайсысына тоқталатын болсақ, Р.А. Дарменова., А.О.Қамақ., Ж.А.Асқарова., С.М.Қырықбаева ғылыми тұрғыда білім берсе, Ж.О.Орымхан., Т.Тазабеков., С.С.Алиев., М.Е.Тұрғанбай., Г.А.Қалдыбаева., Р.Дайрабаев бейнелеу өнерін дамыту мен шығармашылығын шыңдауда Б.Н.Өтегенова., Л.Б.Иманкулова., Д.М.Тастанбек., С.Т.Өмірбекова., Г.А.Абдурахманова.,  Л.Ш.Бакирова қолөнердің қыр-сырын түрлі жанырда көрсетсе Ұ.Н. Алашабаева., К.А.Шагирова., Г.М.Маханова тігін технологиясын жетілдіруде өз үлестерін қосуда.

Олар жас ұрпаққа білім беруде озық технологияларды қолданады, сонымен қатар өздерінің жеке және студенттердің шығармашылық жұмыстарына көрмелер ұйымдастырады. Студенттердің шығармашылық жұмыстарының нәтижесін көрсететін мұражай, тәжірибелік және зертханалық жұмыстар жүргізетін қолөнер, тігін, бейнелеу өнері шеберханалары бар. Кафедра профессор оқытушылары мектеп бағдарламасы, оқулықтар мен әдістемелік ғылыми-практикалық жобаларға қатысады. Мамандықты дамыту мақсатында бірнеше алыс-жақын шет елдермен ғылыми-шығармашылық тұрғыда байланыс жасайды.

Түркия мемлекетінің Анталия қаласындағы Акдениз университетімен және Нийде қаласындағы Нийде университетімен академиялық ұтқырлыққа байланысты келісім шартқа отырған. 

DSC 2529

Бұл мамандық қазіргі уақытта жаңа инновациялық технологиямен, арнайы дәрісханалармен, зертханалық жұмыстарына арналған тігін, қолөнер және сурет салу оқу шеберханалары қазіргі заман талабына сай құралдарымен, интерактивті тақтамен, компьютермен жабдықталған. Студенттердің шығармашылық жұмыстарының көрмесін ұйымдастыратын мұражайы бар. Академиялық ұтқырлыққа байланысты отандық және шетелдік университеттермен қарым – қатынаста. Кафедра ПОҚ мен студенттер, магистрлердің шығармашылық жұмыстары бірнеше халықаралық, республикалық көрмелерге, олимпиядаларға қатысып Ι, IΙ, IΙI жүлделі орындарға және лауреат номинацияына ие болды. Сонымен қатар топ студенттерінің арасында ашық тәрбиелік сайыс сағаттары жүргізіледі. “Киім дизайны” курсы, «Қыл қалам шеберлері» және «Шебердің қолы ортақ» үйірме жұмыстары студенттердің шығармашылыққа, өнерге деген қызығушылықтарын арттыруда. Университет көлемінде студенттер арасында жарияланған жобалар бойынша   «Идеял» стартап жобасы IΙ –орынға ие болды.

Қорыта келе, бұл мамандықтың келешегі мол, тек білім беріп қана қоймай ұлтымыздың қолөнерін дамыту мен жаңа заманауи киім тігу үлгі түрлерін жетілдіру мүмкіндіктері зор. Осындай өнерде 22 жылдан астам тарихы бар мамандық Қазақ мемлекеттік қыздар педагогикалық университетінің тарихында жаттанды болмақ. 

Егер сайттан қате тапсаңыз, қате мәтінді белгілеп Ctrl+Enter пернесін басыңыз.