Қазақ мемлекетттік қыздар педагогикалық университетінің хорды дирижерлау және ән кафедрасы алғаш 1962 жылы ашылды. Содан бері кафедра вокал және хорды дирижерлау пәндері бойынша мамандар даярлап жүр.  2000 жылдан бастап тағы да бір мамандық ашылды. 5В040400 – «Дәстүрлі музыкалық өнер» бұл мамандықтан дәстүрлі әншілерді дайындап келеді.

Осы жылдардың ішінде хорды дирижерлау және ән кафедрасының оқытушы-ұстаздары өз мамандықтары бойынша кәсіби-педагогикалық,  ғылыми-әдістемелік және орындаушылық шеберлік мәселелері бойынша танымдық дәрістер жүргізіп, студент жастарға музыкалық эстетикалық тәрбие беру ісіне  мол еңбек сіңірді. Кафедра оқытушыларының күшімен көптеген ғылыми-әдістемелік құралдар, оқулық, оқу құралдары жарық көрді.

Өнер және мәдениет факультетінің басында композитор Б.Байқадамов түрды. Хорды дирижерлау және ән кафедрасының өткен тарихына үңіліп қарасақ кафедраның ең алғашқы басқарушысы – доцент И.Н.Киселевская. Кейін педагогика ғылымдарының докторы, профессор С.А.Ұзақбаева, доцент М.Т.Чумактар жетекшілік жасады. 1990 жылдан бастап Құрманғазы аттындағы Алматы мемлекеттік консерваториясы хор дирижеры бөлімінің түлегі  өнертану доценті,  профессор М.М.Бурунчин басшылық жасап келеді.Кафедрада алыс шетелдегі Нийде (Түркия), Миссисиппи (АҚШ) университеттерімен тығыз  байланыс орнатылып, академиялық ұтқырлық жүйесі жолға қойылған. 

Дәстүрлі өнердің студенттері халықаралық , республикалық байқаулардың және республикалық пән олимпиадаларының жүлдегерлері , сонымен бірге кафедраның біртектес хор ұжымы Халықаралық және республикалық байқаулардың лауреаты.  Кафедрада ҚР еңбегі сіңген әртісі М.Чалабаев еңбек етіп жүр.  Бітірушілер Қазақстанның барлық аймақтарындағы жоғары оқу орындарында, орта мектептерде, гимназия және балабақшаларда жұмыс атқарып жатыр. Бітірушілер арасында еңбегі сіңген қайраткер, Астана- опера театрының әншісі Дина Хамзина, Тамара Асар, Маржан Арапбаева, ҚР мәдениет қайраткері, сазгер Гүлнұр Өмірбаева т.б. атауға болады.

Кафедра жыл сайын Қазақ ұлттық кансерваториясының хор ұжымымен шығармашылық кездесулер өткізеді. Кафедраның біртектес хоры көптеген концерттік іс-шараларға қатысып, университет және Алматы қаласы  шеңберіндегі  концерттерге қатысады.

Егер сайттан қате тапсаңыз, қате мәтінді белгілеп Ctrl+Enter пернесін басыңыз.