2017 жылы 13 сәуірде Алматы қаласындағы жоғары оқу орындарының студенттері арасында «Алаш қозғалысы: тарихы мен тағлымы» атты интеллектуалды олимпиада өтеді

ҚАЗАҚСТАН РЕСПУБЛИКАСЫНЫҢ БІЛІМ ЖӘНЕ ҒЫЛЫМ МИНИСТРЛІГІ 

ҚАЗАҚ МЕМЛЕКЕТТІК ҚЫЗДАР ПЕДАГОГИКАЛЫҚ УНИВЕРСИТЕТІ

АҚПАРАТТЫҚ ХАТ

18 03 2017

Қазақ мемлекеттік қыздар педагогикалық университеті, Әлеуметтік-гуманитарлық факультеті, Қазақстан тарихы кафедрасы 2017 жылы 13 сәуірде Алматы қаласындағы жоғары оқу орындарының студенттері арасында «Алаш қозғалысы: тарихы мен тағлымы» атты интеллектуалды олимпиада өткізеді.  

Интеллектуалды олимпиада 5 айналымнан тұрады:

І   айналым. Таныстыру. Әр команда капитаны өзінің университеті мен мүшелерін таныстырып, команданың атын қорғайды.

ІІ  айналым. «Ұяшықтар құпиясы». Бұл сайыста әр команда ұяшықтардың артында жасырылған тарихи сандардың мағынасын дұрыс ашуы тиіс. Бұл сандар Алаш қайраткерлерінің өмірі, қоғамдық-саяси қызметі мен  Алаш партиясы және Алаш Орда үкіметі тарихының негізгі кезеңдеріне байланысты. Командалар дұрыс  жауап бергеніне қарай ұпай еншілейді.

ІІІ айналым. Бейне сұрақ. Ұяшықтарды таңдау арқылы елімізге танымал ғалымдардың «Алаш қозғалысы: тарихы мен тағлымы» тақырыбындағы арнайы сауалдары қойылады.

ІV айналым. «Алтын қақпа». Бұл сайыста әр команда Алаш қайраткерлерінің өмірі, қоғамдық-саяси қызметі мен Алаш партиясы және Алаш Орда үкіметі тарихына қатысты үш деңгейлі тарихи терминдерге анықтама беруі тиіс. 1-деңгей «қола қақпа», 2-деңгей «күміс қақпа», 3-деңгей «алтын қақпа» деп аталады. Толық жауап берген команда ғана толық бағаланады. Үшінші қақпаның сұрағы ағылшын тілінде қойылады. Бұл сайыста сайыскерлердің сөйлеу мәнері, шешендігі, фактілерді қолдануы басты назарға алынады.

V айналым. «Ой толғау». Жүргізуші арнайы жәшікке салынған құпия затқа баға бергеннен кейін команда мүшелері өзара ақылдаса келе, жәшікте не жасырылғанын табуы тиіс. Бұл заттар тақырыпқа қатысты мағлұмат береді.

Интеллектуалды олимпиада қазақ тілінде жүргізіледі.

Команданың құрамы 3 студенттен тұруы тиіс және мүшелері тарих емес бакалавр мамандықтарының 1 курс студенттерінен жасақталуы шарт.

Олимпиадаға қатысу үшін жоғарғы оқу орны 2017 жылдың 31 наурызына дейін факс арқылы қатысу өтінімін жіберуі тиіс.

Қатысушылардың өздерімен бірге жеке куәліктері, студенттік билеттері болуы қажет.

Ұйымдастырушы: Қазақ мемлекеттік қыздар педагогикалық университеті,

Әлеуметтік-гуманитарлық факультеті,

Қазақстан тарихы кафедрасы.

Өтетін орны: Әйтеке би көшесі,99. Президенттік аудитория, 1 қабат, басталуы сағат - 14.00.

Байланыс телефондары: т. 2-78-10-36, факс: 233-18-35, 87471841730 e-mail: This email address is being protected from spambots. You need JavaScript enabled to view it.

Интеллектуалды олимпиадаға қатысу өтінімі қосымшада берілген.

Қазақ мемлекеттік қыздар педагогикалық университеті, Әлеуметтік-гуманитарлық факультеті, Қазақстан тарихы кафедрасы 2017 жылы 13 сәуірде  ұйымдастырылатын Алматы қаласындағы жоғары оқу орындарының студенттері арасында «Алаш қозғалысы: тарихы мен тағлымы»  атты интеллектуалды олимпиадаға қатысу туралы өтінім

Команданың атауы  
Жоғары оқу орнының атауы  
Студенттердің аты-жөні

1.

2.

3.

Мамандығы, курсы  
Топ жетекшісінің аты, қызметі, байланыс телефоны  

 

 

«Жастар арасындағы діни экстремизмнің алдын алудағы әйелдер ұйымдарының рөлі»атты республикалық симпозиум өткізеді

ҚАЗАҚСТАН РЕСПУБЛИКАСЫ ПРЕЗИДЕНТІНІҢ ЖАНЫНДАҒЫ ӘЙЕЛДЕР ІСТЕРІ ЖӘНЕ ОТБАСЫЛЫҚ ДЕМОГРАФИЯЛЫҚ САЯСАТ ЖӨНІНДЕГІ ҰЛТТЫҚ КОМИССИЯСЫ

ҚАЗАҚСТАН РЕСПУБЛИКАСЫ БІЛІМ ЖӘНЕ ҒЫЛЫМ МИНИСТРЛІГІ

ҚАЗАҚ МЕМЛЕКЕТТІК ҚЫЗДАР ПЕДАГОГИКАЛЫҚ УНИВЕРСИТЕТІ

АҚПАРАТТЫҚ ХАТ

Қазақстан Республикасы Президентінің жанындағы Әйелдер істері және отбасылық-демографиялық саясат жөніндегі ұлттық комиссияның қолдауымен Қазақ мемлекеттік қыздар педагогикалық университеті 2017 жылдың 21 сәуірінде(басталуы сағ. 10.00) «Жастар арасындағы діни экстремизмнің алдын алудағы әйелдер ұйымдарының рөлі» атты республикалық симпозиум өткізеді.

Симпозиумның өтетін орны: Қазақстан Республикасы, Алматы қаласы, Гоголь көшесі 114, Бірінші оқу ғимараты, Акт залы.

Әйелдер ұйымы мен олардың қоғамдағы рөлі қоғам өміріндегі заманауи және келешегі мол құбылыс. Бұл әйелдердің гендерлік теңдігі мен сол теңдікті саяси өмірде жүзеге асыру үдерісінің нақтылы көрінісі. Осы үдерістегі жастардың дүниеге көзқарасын, мәдениеттілігін, елсүйгіштігін, азаматтығын қалыптастырудағы әйелдер ұйымдарының аса маңызды істер атқара алатындығы сөзсіз. Себебі әйелдержастарды дүниеге әкеліп қана қоймайды, сонымен бірге балалардың дүниетанымын, мәдениеттілігін, сенімдерін және т.б. рухани құбылыстарын қалыптастыруда аса маңызды рөлдер атқарады.Қазіргі кезде әйелдердің осындай, отан үшін аса маңызды істерін жүзеге асыруын әйелдердің қоғамдық, мемлекеттік және мемлекеттік емес ұйымдарымен байланысты қарау жаңа бір бетбұрыс болып отыр.

Алайда бұл үдерістің қазіргі кездегі шет елдер мен Қазақстандағы үлгілерін анықтау, олардың проблемаларын талдау әлі жеткіліксіз. Себебі әйелдер ұйымдары отбасылармен әртүрлі қарым-қатынастарда болса да, олардың жастардың діни көзқарасына әсер етуі аса күрделі, нақтылы талдауларды қажет ететін мәселе болып отыр.

Осы айтылғандармен қатар, көптеген отбасыларда жастардың діни секталарға араласуы мен солардың ықпалына ұшырау құбылыстары орын алуда. Осындай жағдайда әйелдер ұйымдарының жеке отбасылармен, әсіресе олардың нақтылы мүшелерімен тыянақты жұмыстар істей алуы көптеген тәрбие мәселелерін сәтті жүзеге асырудың алғышарты болып табылады. Осы бағыттағы істердің тиімділігі Қазақстанның келешекте гүлденген, жаңа ұрпақтарының рухани-мәдени жетілген мемлекетке айналуына тигізетін әсері көп. Сондықтан осы мәселелерді арнайы зерттеу, тыянақты талдау, еліміздің зиялы қауымының жауапты бір ісі деп білеміз.

Жоғарыда айтылған мәселелерді және солармен байланысты басқа да жаңашыл және батыл проблемаларды ортаға салу, соларды жүзеге асыру мүмкіндіктерін талдау осы симпозиумның басты мақсат-міндеттері болып табылады.

Симпозиумның негізгі мақсаты: әйелдер ұйымдарының жастар арасындағы діни экстремизмнің алдын алудағы рөлін анықтау.

Симпозиумның міндеттері:

  • әйелдер ұйымдарының жастармен байланыс тәжрибелерін, жолдарын, әдістерін, функцияларынталдау;
  • саяси және діни идеялардың, қозғалыстардың әйелдердің ұйымдарымен байланыстылығын көрсету және солардың нақтылы фактілерін анықтау;
  • әйелдер ұйымдарының жастарды діни экстремизмге қарсы тәрбиелеуге әсер ету жолында отбасылармен жұмыс істей алу жолдарын, әдістерін және т.б.мүмкіндіктерінанықтау;
  • әйелдер ұйымдарының жастарды діни экстремизмге қарсы тәрбиелей алу жолдарын, әдістерін жетілдірудегі мемлекеттік мекемелермен, ұйымдармен және діни орталықтармен байланысу тәжрибелерін, проблемаларын көрсету;
  • «Мәңгілік ел» идеясын практикалық тұрғыдан жүзеге асыру барысында әйелдер ұйымдарының отбасылармен, олардағы жастарды діни-мәдени сауаттылыққа тәрбиелеуге ықпал ету мүмкіндіктері мен проблемаларын талдау.

Тезистер мен қатысу туралы өтініштер 2017 жылдың 5 сәуірінен кешіктірілмей, төмендегі симпозиум жұмысының 4 бағыты бойынша жіберілуін сұраймыз:

  1. Әйелдер ұйымдарының қоғамдық қатынастардағы басты функциялары.
  2. Діни экстремизмдік қозғалыстардың мақсаттары мен солардағы әйел мәселелері: идеялар, саяси қозғалыстар және фактілер.
  3. Жастардың діни экстремизмге ауытқуының отбасылық себептерін әйелдер ұйымдарының айқындау мүмкіндіктері мен ықпал ету жолдары.
  4. «Мәңгілік ел» идеясын жүзеге асырудағы әйелдер ұйымдарының рөлі: отбасы қатынастарын жетілдіру діни экстремизмнің алдын алу шаралары есебінде.

Симпозиум жұмыстарының тілдері: қазақша, орысша, ағылшынша.

Баяндамалар тезистері симпозиумға дейін ғылыми жинақ түрінде шығарылады.

Мақала мазмұны үшін автор жауапты. Ұйымдастыру комитеті симпозиум жұмыстарына енетін материалдарды іріктеуге құқылы.

Симпозиум жұмысына қатысу үшін ұйымдастыру комитетіне келесі материалдарды жіберу қажет:

  1. Қатысушы анкетасы.
  2. Жарияланым мәтінінің қағазға шығарылған және электронды нұсқалары.
  3. Мақала жариялауға төленген соманың түбіртек көшірмесі немесе электрондық нұсқасы.

Ұйымдастыру комитеті симпозиум материалдарын БАҚ жариялау құқығын өзіне қалдырады.

Ұйымдастыру комитетінің мекенжайымыз: Қазақстан Республикасы, индекс 050000,Алматы қаласы, Әйтеке би көшесі 111,Қазақ мемлекеттік қыздар педагогикалық университетінің Ғылыми кітапхана ғимараты. Әлеуметтік және гендерлік ғылыми-зерттеулер институты.

Тел: 8 (727) 393-66-74, 8 701 456 34 50; 8 701 178 88 50. Электрондық адрес: This email address is being protected from spambots. You need JavaScript enabled to view it..

Мақала жариялау құны- 3000 теңге.

Материалдарды рәсімдеуге қойылатын талаптар: мақала көлемі 5 бетке дейін, форматы А4 ақ қағазына шығарылған(материалдар кері қайтарылмайды).Шрифт:Times New Roman, кегль - 12, немесе KZ Times New Roman,кегль - 12. Барлық шеті 2 сантиметрден. Жол аралық интервалы – 1.Абзац– 1 см.

Мақала атауы – ортадан бас әріптермен және қою тиіс. Бір интервалдан соң,оң жағынан– автордың аты-жөні, қызметі, ғылыми дәрежесі және атағы, жұмыс орны, қала, ел көрсетіледі. Пайдаланылған әдебиеттерге сілтемелер мәтінде шаршы жақшалардың ішінде: бірінші сан – көздердің реті, үтірден кейін екінші сан(дар) – бет(тер)і көрсетіледі. Пайдаланылған әдебиеттер тізімі мақала соңында беріледі.

Мақала соңында қазақ, орыстілдерінде түйіндемелер келтіріледі.

Симпозиум төлемін аудару үшін банк шоты:

ШЖҚ (шаруашылық жүргізу құқығындағы) ҚазМемҚызПУ РМК /// 050000, Алматы қ, Әйтеке би көшесі, 99 /// 
РГП (респуб.госуд.предп.) на ПХВ (направе хозяйственного ведения) КазГосЖенПУ МОН РК 050000, г.Алматы, ул.Айтеке би, 99
ОКЭД-85420, ОКПО-38888459
СТН/РНН 600 700 169665
ЖСК/ИИК KZ 498560000000012012-kzt
KZ 928560000003037929-RUR
БСК/БИК KCJBKZKX
БСН/БИН 990 240 005 438
КБЕ 16

АҚФ АҚ БанкЦентрКредит Алматы қ./// АГФ АО БанкЦентрКредитг.Алматы ул.Богенбай батыра.№156.

Свидетельство о постановке на учет по НДС: Серия 60001 №0071313 от 18.10.2012г.

«Ы. Алтынсарин-2017» пәндік олимпиадасының нәтижесі сәуір айының 15 жұлдызынан кейін университеттің ресми сайтында жарияланады

2017 жылдың 3 наурыз күні өткен «Ы. Алтынсарин-2017» пәндік олимпиадасының нәтижесі сәуір айының 15 жұлдызынан кейін университеттің ресми сайтында www.kazmkpu.kz жарияланады. Толық ақпаратты төмендегі байланыс телефондары арқылы біле аласыздар.

Тел.: 8 (727) 233 19 50, 279 14 44.

Олимпиада нәтижесі жыл сайын сәуір айында жарияланады.

 

«Қажет емес заттардан жасалған бұйымдар» тақырыбында университетішілік студенттердің шығармашылық көрмесі

ҚАЗАҚ МЕМЛЕКЕТТІК ҚЫЗДАР ПЕДАГОГИКАЛЫҚ УНИВЕРСИТЕТІ

Педагогика және психология факультеті Мектепке дейінгі және бастауыш білім кафедрасы

АҚПАРАТТЫҚ ХАТ

«Қажет емес заттардан жасалған бұйымдар» тақырыбында университетішілік студенттердің шығармашылық көрмесін өткізу

МАҚСАТЫ МЕН МІНДЕТТЕРІ

Мақсаты: педагогикалық мамандықтары студенттерінің экологиялық мәдениеті мен көркем шығармашылық саласындағы кәсіби құзіреттіліктерін қалыптастыру.

Міндеті:

  1. Табиғатты қорғау іс-әрекетін қамтамасыз ететін біліктіліктерін көрсету;
  2. Тұрмыстық материалдармен көркемдік іс-әрекет орындау барысында креативтік қабілеттерін көрсету;
  3. Оқушылардың орындауына мүмкіндік беретін бұйымдарды ойластыру қабілеттері.

ІС-ШАРАНЫ ҰЙЫМДАСТЫРУШЫЛАР

ҚазМемҚызПУ, Мектепке дейінгі және бастауыш білім кафедрасы

ІС-ШАРАҒА ҚАТЫСУШЫЛАР

Көрмеге ҚазМемҚызПУ педагогикалық мамандықтар студенттері, ҚазНұр гуманитарлық колледжі, барлық ниет білдірушілер

КӨРМЕНІ ӨТКІЗУДІҢ МЕРЗІМІ МЕН ТӘРТІБІ

Конкурс 2017 жылы 14 сәуірде сағат 11:00-де Мектепке дейінгі және бастауыш білім кафедрасында 307 аудиторияда өтеді

(Мекен-жайы: Гоголь к-сі 161 (Шарипова к-сінің қиылысы), 161 үй, телефон 393-09-83

ЖЕҢІМПАЗДАРДЫ АНЫҚТАУ ЖӘНЕ НӘТИЖЕЛЕРДІ ҚОРЫТЫНДЫЛАУ

Жеңімпаздар саны комиссия шешімімен анықталады. Жеңімпаздар мақтау қағаздарымен марапатталады.

КӨРМЕГЕ ҚОЙЫЛАТЫН МАТЕРИАЛДАРДЫҢ БЕЗЕНДІРІЛУІ МЕН МАЗМҰНЫНА ҚОЙЫЛАТЫН ТАЛАПТАР

  1. Бұйым кез-келген қажет емес заттардан жасалуы тиіс.
  2. Бұйымның мөлшері қатысушының қалауы бойынша.
  3. Көрмеге дайын жасалған бұйымды әкелу қажет.
  4. Бұйымға студенттің аты-жөні, оқу орны, бұйым атауы, қолданылған материал түрі көрсетіледі.

КОНКУРСТЫҚ ЖҰМЫСТАРДЫ БАҒАЛАУ КРИТЕРИЙЛЕРІ

  1. Өзіндік ерекшелігі.
  2. Эстетикалылығы.
  3. Экологиялық құндылығы.
  4. Пайдаланылған материалдардың әртүрлілігі.

КӨРМЕНІҢ НӘТИЖЕСІН ҚОРЫТЫНДЫЛАУ

Қорытынды әділ қазылар шешімімен шығарылады.

Жеңімпаздар университеттің мақтау қағаздарымен марапатталды.

Конкурстың өтуіне жауапты оқытушылар:

П.ғ.магистрі, аға оқытушы Агранович Елена Николаевна (87017231672) п.ғ.к, профессор Т.А.Левченко(87014042297), п.ғ.к. Агеева Л.Е. (87783342722).

 

Ғылыми кітапхананың ұйымдастыруымен 2017 жылдың 15-наурызында, сағат 11.30-да «Магистранттар күні» атты іс-шараға шақырамыз.

Ғылыми кітапхананың ұйымдастыруымен 2017 жылдың 15-наурызында, сағат 11.30-да «Магистранттар күні» атты іс-шараға шақырамыз.

 

2017 жылдың 14-наурызында сағат 1100-де Қазақ мемлекеттік қыздар педагогикалық университетінің барлық факультетттерінің Жас ғалымдары арасында «ХХІ ғасыр көшбасшысы» зияткерлік сайысы өтеді.

2017 жылдың 14-наурызында сағат 1100-де Қазақ мемлекеттік қыздар педагогикалық университетінің барлық факультетттерінің  Жас ғалымдары арасында «ХХІ ғасыр көшбасшысы» зияткерлік сайысы өтеді.

Барлық факультеттің Жас ғалымдарын зияткерлік сайысқа қатысуға шақырамыз!

Сайысты ұйымдастырушылар - Жаратылыстану және Физика-математика  факультеттерінің Жас ғалымдар Кеңесі

Өткізілетін орны:  Алматы қаласы, Қазақ мемлекеттік қыздар педагогикалық университеті, Бас оқу ғимараты, Л1 дәріс залы.

Teл:  +7 7078224145, +7 7015763443.

 

«Әлемдік ақпараттық білім беру кеңістігі бәсекеге қабілетті ұстаз қолында» V Республикалық ғылыми-практикалық конференция

ҚАЗАҚСТАН РЕСПУБЛИКАСЫ БІЛІМ ЖӘНЕ ҒЫЛЫМ МИНИСТРЛІГІ

Қазақ мемлекеттік қыздар педагогикалық университеті

Ақпараттық хат

Құрметті әріптестер!

Қазақ мемлекеттік қыздар педагогикалық университетінде Физика-математика факультетінің Информатика және қолданбалы математика кафедрасының ұйымдастыруымен 2017 жылдың наурыз айының 31 жұлдызында жыл сайынғы «Әлемдік ақпараттық білім беру кеңістігі бәсекеге қабілетті ұстаз қолында» атты Жас ғалымдар арасында V Республикалық ғылыми-практикалық конференция өткізіледі.

КОНФЕРЕНЦИЯ ЖҰМЫСЫНЫҢ БАҒЫТТАРЫ:

І СЕКЦИЯ. ҚАЗІРГІ ЗАМАНҒЫ БІЛІМ БЕРУ САЛАСЫНДАҒЫ АҚПАРАТТЫҚ ТЕХНОЛОГИЯЛАРДЫ ПАЙДАЛАНУ МӘСЕЛЕЛЕРІ МЕН БОЛАШАҒЫ

ІІ СЕКЦИЯ. ОРТА ЖӘНЕ АРНАЙЫ ОРТА БІЛІМ БЕРУДЕГІ ОҚЫТУДЫҢ ЗАМАНАУИ ТЕХНОЛОГИЯЛАРЫ МЕН ҚҰРАЛДАРЫ

ІІІ СЕКЦИЯ. ҚАШЫҚТАН ОҚЫТУДЫ ӘДІСТЕМЕЛІК ҚАМТАМАСЫЗ ЕТУ МӘСЕЛЕЛЕРІ

Конференция материалдары қазақ, орыс, ағылшын тілдерінде қабылданады.

Тіркеу 2017 жылдың наурыз айының 31 жұлдызында сағ. 9.00-де Қазақ мемлекеттік қыздар педагогикалық университетінің №1 оқу корпусында жүргізіледі. Басталуы сағ.10.00-де.

Баяндама жасау мақала авторының қалауы бойынша он-лайн режимде де жүзеге асады. Он-лайн режимде баяндама жасауға ниет білдірушілерді алдын-ала тіркеу мақсатында төмендегі форманы толтырып жіберулеріңізді сұраймыз:

 Қатысушының аты-жөні  Қызметі  Skype - адресі Байланыс телефондары  Білім беру ұйымының атауы, қаласы
         

Конференция материалдары мақалалар жинағы түрінде жарық көреді. Конференция мақалаларын 2017 жылдың наурыз айының 21-не дейін ұйымдастыру комитетінің мекен-жайына жолдануы тиіс: Алматы қ., Айтеке би көшесі, 99-үй, Қазақ мемлекеттік қыздар педагогикалық университеті, Информатика және қолданбалы математика кафедрасы, 417 кабинет. Рсалина Л.А., Масимгазиева А.А. жұм.тел.: 8-727-233-18-41 (ішкі 4139) және ұялы. тел.: +77789269788, +77754527449. e-mail: This email address is being protected from spambots. You need JavaScript enabled to view it.

Мақаланың безендірілуіне қойылатын талаптар: А5 форматта, көлемі 5 беттен аспауы тиіс, редакторы – MS Word, Times New Roman қарпінде, кегль – 10, .doc форматында. Мақаланың баспа мәтіні және электронды нұсқасы болуы керек. Мақала тақырыбы ортаға кіші әріппен, жартылай қарайтылған қаріппен жазылады; келесі жолда автордың аты-жөні, ғылыми жетекшінің аты-жөні мен атақ дәрежесі (студенттер үшін), астына курсивпен жұмыс орны (студент, магистранттар үшін оқу орны), қала көрсетіледі. Сілтеме жасалатын әдебиет мақала ішінде реттік саны бойынша, мақала соңында толық түрде көрсетіледі. Мақалада кездесетін формулаларды формулалар редакторының көмегімен енгізулеріңіз керек. Бет параметрлері: үсті мен асты – 20 мм, сол жақ – 20 мм, оң жақ – 15 мм, жол аралығы – 1,0 интервал.

Басылым жұмыстарының ұйымдастыру жарнасы студенттер үшін – 1500 теңге, жоғары оқу орындарының оқытушылары, мектеп мұғалімдері, магистранттар үшін – 3000 теңге. Төлем ақы түбіртегінің көшірмесі мақаламен бірге жіберілуі тиіс.

ТӨЛЕМ РЕКВИЗИТТЕРІ:

ТӨЛЕМ ҚАБЫЛДАУШЫ:

АО HALYK BANK

А.Ж.Т. БЕКЕЖАНОВА АЛТЫНШАШ АСЫЛХАНОВНА

КАРТОЧКА НОМЕРІ 4402 5735 4080 2438

ИИН 820507400241

ТӨЛЕМ ТҮРІ: Конференцияға қатысу үшін тіркеу жарнасы

Белгіленген мерзімнен кеш тапсырылған немесе көрсетілген талаптарға сәйкес келмейтін материалдар жарық көрмейді және кері қайтарылмайды. Конференцияға сырттан келіп қатысушалырдың барлық шығыны өз тарапынан.

Мақала үлгісі:

Білім берудегі инновациялық-коммуникациялық технологиялар

А.А.Бекежанова, аға оқытушы

Қазмемқызпу, Алматы қ.

Мақала ..........................................................................................................................................

.......................................................................................................................................................

Студенттер және магистранттар үшін:

Білім берудегі инновациялық-коммуникациялық технологиялар

А.Бейсембаева, 5В011100-Информатика мамандығының 3 курс студенті

Қазмемқызпу, Алматы қ.

Ғылыми жетекші: аға оқытушы А.А.Бекежанова

Мақала ..........................................................................................................................................

.......................................................................................................................................................

«Қазіргі мектепке дейінгі және бастауыш білім беру: теориясы мен әдістемесі және тәжірибесі» атты халықаралық ғылыми-практикалық конференция

ҚАЗАҚСТАН РЕСПУБЛИКАСЫ БІЛІМ ЖӘНЕ ҒЫЛЫМ МИНИСТРЛІГІ

Қазақ мемлекеттік қыздар педагогикалық университеті

АҚПАРАТТЫҚ ХАТ

Құрметті әріптестер!

Қазақ мемлекеттік қыздар педагогикалық университеті 2017 жылдың 28-ші сәуір айында профессор, ғалым Қ.А.Аймағамбетованың 80 жылдық мерейтойына арналған «Қазіргі мектепке дейінгі және бастауыш білім беру: теориясы мен әдістемесі және тәжірибесі» атты халықаралық ғылыми-практикалық конференциясын өткізеді.

Конференция мақсаты: Мектепке дейінгі және бастауыш білім беру жүйесінің теориялық, әдістемелік мәселелерін талқылау. Мектепке дейінгі және бастауыш білім беруді дамыту мәселесі бойынша ғалымдардың, практик қызметкерлердің, магистранттардың зерттеу нәтижелері мен инновациялық тәжірибелері туралы ғылыми ақпарат алмасу.

Конференцияға жоғары, орта, кәсіби-педагогикалық білім беру мекемелерінің оқытушылары, ғалымдар, мектеп мұғалімдері, ғылыми-зерттеу институттарының қызметкерлері, біліктілікті көтеру орталығының педагог мамандары, социолог, психолог, докторант және магистранттар шақырылады.

Халықаралық ғылыми-практикалық конференцияның жұмысы келесі секциялар бойынша жүргізіледі:

  1. Мектепке дейінгі және бастауыш білім беру үрдісініңмазмұны мен технологияларын жүзеге асыру және жобалаудың ғылыми –қолданбалы негізі
  2. Мектепке дейінгі ұйымдар мен бастауыш білім беру үрдісінде балаға педагогикалық-психологиялық қолдау көрсету
  3. Мектепке дейінгі, бастауыш және орта білім беру тәжірибесіндегі дәстүр мен инновация
  4. Модернизация жағдайында мектепке дейінгі және мектеп жасындағы балалармен жүргізілетін коррекциялық-дамытушылық жұмыс.
  5. Білім беру жүйесінде жаратылыстану ғылымының теориясы мен мазмұнын жүзеге асыру әдістемес
  6. Үздіксіз білім беру жағдайында педагогтардың кәсіби дамуы

Конференцияға қатысуға қойылған талаптар

Конференция жұмысына қатысу туралы өтініш пен баяндама материалдары 2017 жылдың 12 сәуіріне дейін, тіркелген нысан бойынша, This email address is being protected from spambots. You need JavaScript enabled to view it. электрондық пошта арқылы Ұйымдастыру комитетінің мекен-жайына жіберілу қажет:

  • Өтініш;
  • Электрондық түрдегі баяндаманың материалдары (баяндама материалдарын қазақ, орыс және ағылшын тілдерінде беруге болады).
  • Ұйымдастырушылық жарнаны төлегендігі жөніндегі түбіртек көшірмесі.

Конференцияның жұмыстілдері: қазақ, орыс, ағылшын тілдерінде.

  1. Ұйымдастырушылық жарнаның сомасы – 3000 теңге
  2. Конференцияға қатысудан бас тартқан жағдайда, жарна қайтарылмайды, бірақ қатысушыны ауыстыруға болады, бұл жөнінде алдын ала Ұйымдастыру комитетіне электрондық поштамен хабарлау керек. Тіркеу кезінде ұйымдастырушылық жарнаны төлегені туралы түбіртек тіркеледі.
  3. Іс - сапар шығыны конференцияға қатысушысының есебінен.
  4. Конференция жұмысының Ұйымдастыру комитеті ғылыми мақалалар жинағын басып шығаруды жоспарлауда.
  5. Конференция туралы қосымша ақпарат университет сайтында www.kazmkpu.kz орналастырылатын болады.

Мақала мәтініне қойылатын талаптар:

Мақаланың көлемі толық 5 беттен аспауы керек. Мақала мәтіні баспадан шығу үшін келесі талаптарды қанағаттандыруы шарт: мақала мәтіні және тіркеу формасы TimesNewRoman шрифтімен терілуі керек, интервал – 1,0. кегль –12. А 4 форматты стандартты қағазда шеттері: сол жағы - 3 см, оң жағы – 2см, жоғарғы – 2см, төменгі - 2 см сақтап жазылады. Төменнен арасына бір жол тастап беттің ортасынан үлкен әріптермен қалың шрифтпен баяндаманың аты жазылады; төменнен арасына бір жол тастап кіші әріптер мен автордың аты-жөні жазылады; төменнен арасына бір жол тастап автордың қызмет ететін орны, мекеменің толық аты, төменнен қаланың аты жазылады. Пробел арқылы курсивпен (12 кегль) кілттік сөздер, түйіндеме (2 - 3 сөйлем) жазылады: орыс тіліндегі мақала үшін – қазақ тілі және ағылшын тілінде; ағылшын тіліндегі мақала үшін – орыс тілі және қазақ тілінде; қазақ тіліндегі мақала үшін – ағылшын тілі және орыс тілінде.

Төменнен арасына екі жол тастап мақаланың мәтіні беріледі. Талаптарға сай ресімделмеген, Ұйымдастыру комитетіне мерзімнен кешіктіріліп жіберілген материалдар конференция жинағына енгізілмейді.

Ұйымдастыру комитетінің мекенжайы:

Алматы қаласы, Әйтеке би көшесі, 99, Қазақ мемлекеттік қыздар педагогикалық университеті.

Байланыс телефондары: +7(727)3930983, 8(727)3930715, 87474033760, 87075143310

E-mail: This email address is being protected from spambots. You need JavaScript enabled to view it.

Ұйымдастырушылық жарна Автордың аты-жөні және белгісі көрсетіле отырып, төмендегі есепшотқа аударылады:

РМК “Қазақ мемлекеттік қыздар

педагогикалық университеті”

050000, Қазақстан Республикасы

Алматы қ. Әйтеке би көшесі 99,

СТН 600700169665

ЖКС KZ498560000000012012

Тел : 8(727) 233-18-22

БЖК KCJBKZKX

БСН 990240005438

AO «Банк Центр Кредит»

Тіркеу формасы:

 Тегі:  
 Аты:  
 Әкесінің аты:  
 Ғылыми дәрежесі, атағы:  
Жұмыс орны (мекеме), қызметі  
Байланыс телефоны  
Электронды пошта (E-mail):  
Секцияның атауы:  
Қосымша ақпарат  
Керекті техникалық құралдар:  
Қосымша баяндамашылар  
Қонақ үйден орын даярлау (иә/жоқ)  

Мақаланы ресімдеу үлгісі:

Бастауыш сыныпта қазақ тілін оқытудағы жаңа инновациялық технологиялар

Б.А.Нұржанова, п.ғ.к., доцент

Қазақ мемлекеттік қыздар педагогикалық университеті

Алматы қ.

Кілттік сөздер

Түйіндеме

Мақала мәтіні

Пайдаланған әдебиеттер

1-курс студенттерін сайысқа қатысуға шақырамыз!

Қазақ мемлекеттік қыздар педагогикалық университетінің әлеуметтік-гуманитарлық факультеті «Кәсіпкерлік іс-әрекетті ұйымдастыру» пәнін оқу аясында жыл сайынғы студенттік ең үздік бизнес-жоспар сайысының басталуы туралы жариялайды.

1-курс студенттерін аталған сайысқа қатысуға шақырамыз!

Сайыстың мақсаты: студенттердің кәсіпкерлік рухын дамыту және күшейту, студенттердің бизнес-модельдеу мен бизнес-жоспарлау дағдыларын қалыптастыру, сонымен бірге студенттердің бизнес-идеяларының тәжірибеде іске асырылу мүмкіндіктерін бағалау.

Сайыстың шарттары:

  • Сайыс екі кезеңнен тұрады:
  1. бизнес-жоспарларды қабылдау және бағалау;
  2. бизнес-жоспарларды презентациялау.
  • Бизнес-жоспар ЕКІ-БЕС адамнан тұратын командамен әзірленеді. Команданың мүшелері 1-курстың студенттері бола алады.
  • Сайыстың барлық қатысушылары алдын-ала тіркеуден өтуі тиіс: қатысушалардың құрамы, байланыс ақпараты, жобаның атауы және бизнес-идеяның қысқаша сипаттамасы (150-200 сөзден артық емес) көрсетілуі тиіс. Тіркеу 2017 жылдың 03 сәуірінен 20 сәуіріне дейін жүзеге асырылады.
  • Тіркеуден кейін команда бизнес-жоспарды This email address is being protected from spambots. You need JavaScript enabled to view it. электрондық поштасына жібереді және оның қағаз нұсқасын 2017 жылдың 20 сәуірінен кешікпей Бас оқу ғимаратының (Айтеке би 99) 213 кабинетіне әкеліп ұсынады.
  • Сайыстың қазылар алқасы алдын ала 10 үздік жұмысты іріктейді және өткен командаларға 2017 ж. 25 сәуірінде Сайыстың екінші кезеңі өтетінін хабарлайды.
  • Сайыстың екінші кезеңіне өткен 10 команда өзінің бизнес-идеясының 7-10 минуттық қысқаша презентациясын ұсынуы тиіс.
  • Презентациядан кейін Сайыстың Әділ қазылары жүлделі бірінші үш орынды иеленген жеңімпаздар туралы соңғы шешімді қабылдап, марапаттау Рәсімі басталады.

Бизнес-жоспарды жазуға және презентациялауға қойылатын талаптар:

  • Жұмыстың жалпы көлемі, барлық сілтемелер мен қосымшаларды есептегенде, 20 беттен аспауы керек. Сайыстың Әділ қазылар алқасы 20 беттен асып кеткен жұмыстарды қарастырмайды.
  • Бірінші бетте келесі ақпарат көрсетілуі тиіс: бизнес-жоспардың атауы, қатысушылардың аты-жөні (толық), мамандығы, курсы, байланыс телефондарының нөмірлері.
  • Шрифт: 11-12 Times New Roman, 1,5 интервал
  • Файлдың атауы – жоба атауымен бірдей болуы тиіс.
  • Презентацияның 7-10 минутке дайындалу барасында келесі аспектілерді қамтыған жөн: бизнес-модель, ұсыныстың ерекшелігі (өнім/қызмет), тұтынушалр сегменттері, тарату жолдары, клиенттермен ара-қатынасы, табыс ағымдары, негізгі іс-әрекет, негізгі ресурстар, негізгі серіктестер, шығындар құрамы. Бірінші слайдта жобаның атауы, қатысушылардың аты-жөні туралы ақпарат көрсетілуі тиіс.

БАЙЛАНЫС АҚПАРАТЫ

Жауапты тұлға: Ыбышова Салтанат Тургынбековна

Барлық сұрақтар мен бизнес-жоспарларды келесі электрондық поштаға жіберу қажет: This email address is being protected from spambots. You need JavaScript enabled to view it.

Мекен-жай:

Алматы қаласы, Айтеке би көшесі, 99, 213 немесе 210 кабинет
Тел: +7 (727) 278-10-32 

Қазақ мемлекеттік қыздар педагогикалық университеті Түлектер Қауымдастығының аймақтардағы Бірінші отырысы

«Қазақ мемлекеттік қыздар педагогикалық университетінің Түлектер Қауымдастығы», (әрі қарай - Қауымдастық) өзін-өзі басқару негізінде ортақ қызығушылықтармен анықталатын бағыттарды іске асыру мақсатында құрылған заңды тұлғасыз қоғамдық ұйым.

Қазақ мемлекеттік қыздар педагогикалық университетінің Түлектер Қауымдастығы түлектердің, студенттердің және Университет қызметкерлерінің бірігуі көмегімен оқу орнының миссиясын орындауға, имиджін көтеруге, Университеттің корпоративтік байланыстарын кеңейтуге көмектесу мақсатында құрылған.

Осыған байланысты 2017 жылдың 4 наурыз күні, сағат 10.00-де Қазақ мемлекеттік қыздар педагогикалық университеті Түлектер Қауымдастығының төмендегі аймақтарда Бірінші отырысы өтеді:

 № р/с  Отырыс өтетін аймақ Отырыс өтетін мекеме Отырыс өтетін мекеменің мекен-жайы және байланыс телефондары  Жол жүру сызбасы
1 Жамбыл облысы, Тараз қ. Жамбыл ат. №5 мектеп-гимназия Ақбозов көш. 28, тел.: 8 (7262) 43-08-20, 43-16-80 Google Maps icon 1 Картадан қарау
2 Қызылорда облысы, Қазалы аудандық орталығы №266 мектеп-лицей Әйтеке би кенті, Желтоқсан көш. 20, тел.: 8 (72438) 26-0-38 Google Maps icon 1 Картадан қарау
3 Оңтүстік Қазақстан облысы, Шымкент қ. №72 жалпы орта мектеп Кайтпас-1 елді- мекен, Момышұлы көшесі, н/з тел: 8 (7252) 49-35-12 Google Maps icon 1 Картадан қарау

Барлық түлектерге есік ашық!!!

Байланыс телефондары: 8 (727) 233 19 50, 279 14 44

Е-mail: This email address is being protected from spambots. You need JavaScript enabled to view it.This email address is being protected from spambots. You need JavaScript enabled to view it.">

Қазақ мемлекеттік қыздар педагогикалық университетінің «Түлектер Қауымдастығының» аймақтардағы бірінші отырысының бағдарламасы

Уақыты Іс-шара
1 09.30-10.00 Түлектермен жиналу және тіркелу
2 10.00-10.10 Аймақ бойынша модераторлардың Алғы сөзі
3 10.10-10.20 Қазақ мемлекеттік қыздар педагогикалық университетінің өкілінің алғы сөзі
4 10.20-10.30 Қазақ мемлекеттік қыздар педагогикалық университеті тарихына қысқаша шолу (слайд)
5 10.30-10.45 Қазақ мемлекеттік қыздар педагогикалық университетінің Түлектер Қауымдастығының жұмысымен, ережесімен танысу
6 10.45-11.00 Университетке талапкер жинау мақсатында жыл бойы жүргізілетін кәсіби бағдар жұмысының жоспарын құру
7 11.00-11.15 Белгіленген аймақтардың аудандары бойынша түлектердің модераторларын (басқарушы) тағайындау
8 11.15-11.30 Қорытынды сөз.

Модератордың аудандар бойынша тапсырма беруі

«Қазақы салт-дәстүр бүгінгі күн тұрғысында: әмеңгерлік, алып қашу, тоқал мәселесі» тақырыбында жарыссөз өтеді

24 ақпанда сағат 14.00-де Қазақ мемлекеттік қыздар педагогикалық университетінде Әлеуметтік және гендерлік ғылыми-зерттеулер институты мен Жас ғалымдар кеңесінің ұйымдастыруы бойынша Қазақ мемлекеттік қыздар педагогикалық университетінің студенттері мен Абай атындағы Қазақ ұлттық педагогикалық университетінің студенттері (ер балалар) арасында «Қазақы салт-дәстүр бүгінгі күн тұрғысында: әмеңгерлік, алып қашу, тоқал мәселесі» тақырыбында жарыссөз өтеді.

Пікір сайысты ұйымдастырушы – Әлеуметтік және гендерлік ғылыми-зерттеулер институты және Жас ғалымдар кеңесі.

Өткізілетін орны: Алматы қаласы, Қазақ мемлекеттік қыздар педагогикалық университеті, конференция залы.

Teл: +7 727 393 66 74, 87014563450.