ҚызПУ ғалымдары 51 млн теңгенің грантын ұтты
-
04 наурыз, 2021
![ҚызПУ ғалымдары 51 млн теңгенің грантын ұтты]()
АЛМАТЫ. 4 наурыз. Баспасөз орталығы – Қыздар университетінің ғалымдарының жобасы үздік деп танылды! Оқу орнының Тарих және шетел тілдері институтының оқытушылары жалпы сомасы 51 млн теңгені құрайтын грант ұтып алды.
Атап айтқанда, Шетел тілдерін оқыту әдістемесі кафедрасының оқытушылары Ақшайым Жалалова, Ақжарқын Абуова, Нұргүл Қалиева, Ботакөз Сазаева және Әлия Задаханованың «Көне түркілердің дүниетанымындағы концептілер жүйесі» атты жобасы 2021-2023 жылдарға арналған ғылыми және ғылыми-техникалық жобалар бойынша гранттық қаржыландыруға арналған конкурста үздік танылған.
– Аталған жоба Қазақстан Республикасы Білім және ғылым министрлігі Ғылым комитетінің гранттық қаржыландыру конкурсы талаптарына сәйкес деп табылып, 2021-2023 жылдар аралығында ғылымды дамытудың Білім беру және лингвистика саласындағы өзекті мәселелерді зерттеу бағыты бойынша жүзеге асырылмақшы, – дейді жобаның ғылыми жетекшісі филология ғылымдарының докторы, профессор Гүлбану Қосымова.
Жоба жетекшісі мен жоба орындаушыларының негізгі мақсаты Елбасының «Рухани жаңғыру» бағдарламасы аясында көне түркілер дүниетанымындағы концептілер жүйесін анықтап, оны Абайдың «Толық адам ілімі» тұжырымына сәйкестендіріп, қазақ дүниетанымындағы көрінісін негіздеу.
Баспасөз және қоғаммен байланыс бөлімі
Байланыс телефоны: +7 727 237 00 07
e-mail: kyzdaruniversity_press@gmail.com
Бөлісу:
