ҚызПУ студенті білім сайысының жүлдегері атанды
-
18 мамыр, 2021
![ҚызПУ студенті білім сайысының жүлдегері атанды]()
АЛМАТЫ. 18 мамыр. Баспасөз орталығы – Қазақ ұлттық қыздар педагогикалық университетінің 2 курс студенті Әсел Ахметжанова республикалық пәндік олимпиадада екінші орынға ие болды.
Темірбек Жүргенов атындағы Қазақ ұлттық өнер академиясында өткен білім сайысына қазақстандық жоғары оқу орындарының «Сән және костюм дизайны» мамандықтары бойынша оқитын студенттері қатысты.
Олимпиаданың мақсаты – талантты жастарды анықтау, оларды өнерге баулу арқылы шығармашылық қарым-қабілетін дамыту.
Білім мен білік сарапқа түскен жарыс бірнеше кезең бойынша жүргізілді. Нәтижесінде қазылар алқасы тарапынан Қыздар университетінің студентінің өнері жоғары бағаланып, оның жұмысы екінші орынға лайық деп танылды.
Айта кетейік, Әсел Ахметжанова «Кәсіптік оқыту» мамандығы бойынша оқиды. Талантты студентті олимпиадаға Кәсіптік оқыту кафедрасының аға оқытушысы Ұлжан Бегешова дайындады.
Баспасөз және қоғаммен байланыс бөлімі
Байланыс телефоны: +7 727 237 00 07
e-mail: kyzdaruniversity_press@gmail.com
Бөлісу:
