Биыл студенттердің шәкіртақысы 20%-ға артады



    • Биыл студенттердің шәкіртақысы 20%-ға артады

      АЛМАТЫ. 15 маусым. Баспасөз орталығы – 2021 жылы студенттердің шәкіртақысы 20%-ға, магистранттар мен докторанттардың стипендиясы 15%-ға артады. Бұл туралы ҚР Президенті жанындағы Орталық коммуникациялар қызметінің алаңында өткен брифингте Білім және ғылым министрі Асхат Аймағамбетов мәлімдеді.

      «2021 жылы студенттер стипендиясының мөлшері 31 мың теңгеден астам, магистранттар – шамамен 76 мың теңге, докторантар үшін 172 мың теңгеден астам болады. Президенттің тапсырмасы бойынша 2025 жылға қарай студенттердің, магистранттар мен докторанттардың стипендиясын кезең-кезеңмен ұлғайту көзделген. Егер студенттерге келсек, 2020 жылдың 1 қыркүйегінен бастап болашақ педагогтердің шәкіртақысы 42 000 теңгеге дейін ұлғайтылған еді», – деді Білім және ғылым министрі Асхат Аймағамбетов.

      Сонымен қатар Асхат Аймағамбетов биыл студенттерге, магистранттар мен докторанттарға стипендия төлеудің жаңа жүйесі әзірленгенін айтты. Енді стипендия білім алушылардың карта шоттарына тікелей түседі. Министр атап өткендей, бұл сыбайлас жемқорлық тәуекелдерін жояды және қаражатты бөлудің ашықтығын қамтамасыз етеді. Бұған дейін шәкіртақы жоғары оқу орнына аударылып, есеп-қисап жүргізілгеннен кейін студентке жіберілетін. Қазір пилоттық жоба іске асырылып жатыр.

      Баспасөз және қоғаммен байланыс бөлімі

      Байланыс телефоны: +7 727 237 00 07

      e-mail: kyzdaruniversity_press@gmail.com

      Бөлісу: