АЛМАТЫ. 12 қыркүйек. Qyzdar_Ýnıversıteti – Қазақ мемлекеттік қыздар педагогикалық университетінің ректоры Гаухар Алдамбергенова «Білімді ел» республикалық қоғамдық-саяси газетіне сұхбат берді.

Оқу орнының басшысы әңгіме барысында 75 жылға жуық уақыт бойы педагог кадрларды дайындауға үлес қосып келе жатқан ұлағат ұясының бүгінгі тыныс-тіршілігі мен болашағы жайында, университеттің отандық жоғары білім беру саласындағы өзіндік ерекшелігі туралы айтты.

– Алдына қазіргі уақыт талабына толық жауап бере алатын педагог кадрларды даярлауды мақсат етіп қойған Қазақ мемлекеттік қыздар педагогикалық университеті өзінің қызметін Мемлекет басшысы Нұрсұлтан Назарбаевтың «2016-2019 жылдарға арналған Қазақстан Республикасындағы білім мен ғылымды дамыту жөніндегі» мемлекеттік бағдарламасы шеңберінде жүргізеді. 70-жылдан астам уақыт белесінде Қыздар университетінде ұйымдастыру мәдениеті қалыптасып, тиімді кадрлық менеджмент пен корпоративті басқару ісі жүйеленді. «Мұғалім – адам жанының инженері». Нағыз ұстаз шәкірт жанына үңіліп, дұрыс жолға сала білуі де қажет. Дамудың даңғыл жолына бағыт алған болашағы баянды елдің өрісі қашанда білікті де саналы ұрпағымен кеңеймек. Өскелең жасты  еліміздің тұтқасы етіп тәрбиелеу – әрбір ата-ана мен мұғалімге байланысты. Ал, осы жауапкершілікті абыроймен атқару ардақты ұстаздарға жүктелген мәртебелі міндет, – деді Г. Алдамбергенова.

Сондай-ақ, ол Мемлекет басшысының «Болашаққа бағдар: рухани жаңғыру» бағдарламасының маңыздылығы жайында және оның отандық ғылымның дамуына тигізетін септігі турасында баяндады. Сонымен қатар, Гаухар Төремұратқызы Қыздар Университетінде латын әліпбиіне көшу бағытында атқарылып жатқан жұмыстармен және бұл тараптағы жоспарлармен бөлісті.

– Биылғы жылдың маусым айында Мемлекеттік хатшы Гүлшара Әбдіқалықованың қатысуымен Қыздар Университетінің базасында Қазақ алфавитін латын графикасына көшіру жөніндегі орталық ашылды. Орталықта университеттің профессор-оқытушылары мен студенттері латын графикасы негізіндегі жаңа қазақ әліпбиі бойынша оқып, жазуды меңгереді. Орталықта жаңа әліпбиді үйретуге байланысты бірқатар жобаларды жүзеге асыруды жоспарлап отырмыз. Мысалы, жақында латын графикасына негізделген әліпбиді үйрететін арнайы курс ашылды. Оқу орнының Біліктілікті жетілдіру орталығының мұрындық болуымен ұйымдастырылып отырған курстың мақсаты – Мемлекет басшысының  «Болашаққа бағдар: рухани жаңғыру»  мақаласында көрсетілген міндеттерді жүзеге асыру мақсатында курс қатысушыларына латын графикасына негізделген қазақ әліпбиін үйретудің оңтайлы технологияларын меңгерту, олардың әліпбиді оқып, үйретуге қатысты теориялық және практикалық білімдерін жетілдіру, – деп атап өтті университет ректоры.

Сұхбат барысында Гаухар Алдамбергенова «Рухани жаңғыру» бағдарламасы аясында атқарылған өзге де шаралар мен отандық білім беру саласындағы өзгерістерге де тоқталып өтті.

Сұхбаттың толық нұсқасын мына жерден оқуға болады.

BASPASÓZ  JÁNE QOǴAMMEN BAILANYS BÓLIMI

Tel.: 8 (727) 247-00-07

e-mail: kyzdaruniversity@gmail.com

facebook: qyzdaryniversiteti

vkontakte: qyzdar_yniver

instagram: qyzdar_yniversiteti

youtube: qyzdar уniversiteti

Егер сайттан қате тапсаңыз, қате мәтінді белгілеп Ctrl+Enter пернесін басыңыз.