XV Республикалық пәндік олимпиада қорытындыланды
-
31 наурыз, 2023
![XV Республикалық пәндік олимпиада қорытындыланды]()
Қазақ ұлттық қыздар педагогикалық университетінде жыл сайын республика деңгейінде өткізіліп келе жатқан «Мәдени-тынығу жұмысы» білім беру бағдарламасы бойынша XV Республикалық пәндік олимпиадасы қорытындыланды.
30-31 наурыз аралығында республикамыздың түкпір-түкпірінен Алматының төрінде жиналған республикамыздың 7 ірі жоғары оқу орынының командалары ең жауапты да маңызды кезең– Шығармашылық сайыс бойынша «ЖАҢА ҚАЗАҚСТАН – ЖАҢА СЕРПІЛІС!» тақырыбында композициялық қойылымдарын сахналады.
Шығармашылық жұмысты бағалауда білім алушылардың оқу процесі барысында меңгерген «Режиссура», «Актер шеберлігі», «Сахна тілі», «Сахналық әрекеттің техникасы», «Вокал», «Хореография» т.б пәндер бойынша алған білімдері мен дағдыларын жан-жақты көрсетілді.
Әр команда бір тақырып аясында өнер көрсеткенмен, әр топтың тақырыпты ашу, көрерменге жеткізу әдістері ерекше болды.
Қойылымда еліміздегі ең өзекті мәселелер: қазақ тілінің тағдыры, ұрпақ тәрбиесі, зиянды әдеттердің, адам бойындағы жағымсыз пиғылдардың болашақ Қазақстанды құрудағы кедергілері жайлы, Жаңа Қазақстанның жастар бейнесі сахналанып, көрерменнің көкейіне терең ой салды.
Сайысқа жоғары деңгейде, тыңғылықты дайындықпен келген шығармашылық топқа баға беру де қазылар алқасына оңайға соққан жоқ.
Қазылар алқасының құрамы: ғылыми атағы, дәрежесі бар профессор-оқытушылар, ҚР еңбек сіңірген әртістері, Мәдениет қайраткерлері және кәсіби білікті мамандардан құралды. Атап айтсақ, әділқазы алқасының төрағасы – Phd, Абай атындағы Қазақ ұлттық педагогикалық университетінің Музыкалық білім және хореография кафедрасының меңгерушісі Көшербаев Жанболат Әсетұлы - Әділқазы мүшелері – Алатау дәстүрлі өнер театрының актері және кино актері;. Арипов Дәулет Бейсебайұлы, әнші, актриса, тележүргізуші Айдаркулова Ақбота Абайқызы
Қазылар алқасы құрамының шешімімен «Мәдени-тынығу жұмысы» білім беру бағдарламасы бойынша «ЖАҢА ҚАЗАҚСТАН – ЖАҢА СЕРПІЛІС!» атты XV Республикалық студенттік пәндік олимпиадасының қорытындысы төмендегідейболды:
- І орын – Е.А. Бөкетов атындағы Қарағанды мемлекеттік университеті,
- 2-орын. М.Өтемісов атындағы Батыс Қазақстан университеті
- 3-орын. М.Әуезов атындағы ОңтүстікҚазақстан университеті
- 3-орын. М.Х.Дулати атындағы Тараз өңірлік университеті
Номинациялар:
- «Үздік көркемдік шешім номинациясы» Қ.Жұбанов атындағы Ақтөбе өңірлік университеті
- «Үздік актерлық ансамбль» номинациясы М.Х. Дулати атындағы Тараз өңірлік университеті
- «Көрермен көзайымы» номинациясы М. Қозыбаев атындағы Солтүстік Қазақстан университеті (Мартынова Полина )
- «Ең үздік ер адам» номинациясы М.Өтемісов атындағы Батыс Қазақстан университеті (Васихан Бекзат)
- «Ең үздік әйел бейнесі» номинациясы Абай Мырзахметов атындағы Көкшетау университеті (Мағжан Жұлдыз)
- «Ең үздік Режиссура» номинациясы Е.А. Бөкетов атындағы Қарағанды мемлекеттік университеті
Сонымен қатар жеңімпаздар ҚР Білім және ғылым министрлігінің арнайы дипломы және алғыс хаттарымен марапатталды.
Барша команда мүшелері мен жетекшілерін жүлделі орындарымен шын жүректен құттықтаймыз!
Айта кетсек, былтырғы жылы «Мәдени-тынығу жұмысы» білім беру бағдарламасы бойынша Республикалық олимпиаданың жеңімпазы Қазақ ұлттық қыздар педагогикалық университетінің командасы иемдеген.
Келесі жылы аталмыш олимпиада ереже бойынша биылғы жеңімпаз атанған Е.А Бөкетов атындағы Қарағанды университетінде өтетін болады.
Бөлісу:
