Орыс тілі мен әдебиеті кафедрасы

Білім беру
Кафедра туралы

Орыс тілі мен әдебиеті кафедрасы Қазақ филологиясы және әлем тілдері факультетінің ең көне және болашағы зор құрылымдық бөлімшелерінің бірі болып табылады.

Орыс тілі мен әдебиеті кафедрасы алғашқылардың бірі болып 1944 жылы құрылды. Кафедра меңгерушісі болып белгілі педагог және ғалым Л.А. Федулова тағайындалды. 1946 жылдан бастап кафедраны белгілі ғалымдар – К.Ш. Канафиева, З.А. Ахметов, Х.У. Ишанов, Д. Турсынов, Н. Джуанышбеков, Г.Н. Садыков, В. И. Жумагулова басқарды.

2015 жылдан бастап кафедра меңгерушісі – филология ғылымдарының кандидаты Е.М.Ханкишиева, 2018 жылдың наурыз айынан бастап қазіргі уақытқа дейін филология ғылымдарының докторы, профессор м.а. А.Т. Оналбаева басқарады.

Миссия мен стратегия

Кафедраның негізгі міндеті – студенттердің орыс тілі мен әдебиеті саласынан білімін жетілдіріп, дағдысын қалыптастыру, алған білімін кәсіби қызметінде қолдана білуге баулу.

Бөлімнің мақсаты мен стратегиясы

Кафедраның негізгі міндеті - студенттерге оқытудың бағытын ескере отырып, орыс тілі мен әдебиеті саласындағы білім, білік және дағдылардың жеткілікті деңгейін қамтамасыз ету, алған білімдерін кәсіби қызметте қолдануға үйрету.

Халықаралық байланыс

Кафедра шетелдік ЖОО ынтымақтастық жасайды: Ольштыне (Польша), Варминдік –Мазурлық университет (Польша), Нева тіл және мәдениет институтымен (Санкт-Петербург; Ресей), Ресей халықтар достығы университеті гуманитарлық және әлеуметтік ғылымдар факультетінің орыс тілі мен мәдениаралық байланыс кафедрасымен.

Кафедраның ғылыми-зерттеу жұмысы

Оқытушылардың кәсіби қызығушылығы аясы кең, атап айтсақ, ХХ ғасыр орыс әдебиетінің тарихы, қазіргі орыс және шетел әдебиетінің мәселелері, көркем мәтінді талдаудың заманауи әдістері, сонымен қатар мифопоэтика, кафедра базасында орыс тілі білімі, салыстырмалы типология, стилистика, когнитивті лингвистика, әдебиеттану және әлеуметтік лингвистика саласында зерттеулер жүргізіледі. Кафедра мүшелері ғылыми ірі және қолданбалы зерттеулерге белсене қатысады, соның ішінде «Жоғары мектепте орыс тілі мен әдебиеті бойынша оқу-әдістемелік қамтамасыз етуді оңтайландыру» (2006-2008), «Егеменді Қазақстандағы қазақ және орыс тілдерінің лингвомәдени қарым-қатынасы» (2006-2008), «Орыс тілі қазақ әдеби тілі туралы ғылымдағы арнайы терминологияның тасымалдаушысы ретінде» (2009-2011), «Көпмәдениетті тұлғаны қалыптастырудың шарты ретіндегі филологиялық білім берудің мазмұнын жаңғыртудың ғылыми-әдістемелік негіздері» (2012-2014), Қазақстандағы көптілділік саясатын жүзеге асыру жағдайындағы педагогикалық кадрлардың тілдік құзыреттілігін қалыптастыру (2015-2017), «Жаһандандыру жағдайындағы Қазақстанның БАҚ және олардың рухани жаңғыруға тигізетін ықпалы (лингвистикалық аспект)» (2018-2020) атты жаңа жоба бойынша жұмыс басталып кетті.

КАФЕДРА МАМАНДЫҚТАРЫ

Орыс тілі мен әдебиеті кафедрасы бакалавриат пен магистратурада келесі мамандықтар бойынша мамандарды әзірлейді:
- 6В01703— орыс тілі мен әдебиеті (бакалавриат);
- 6В01704— орыс тілінде оқытпайтын мектептердегі орыс тілі мен әдебиеті (бакалавриат);
- 7М01703 — орыс тілі мен әдебиеті (магистратура);
- 7М01704 — орыс тілінде оқытпайтын мектептердегі орыс тілі мен әдебиеті (магистратура).

Қазақ ұлттық қыздар педагогикалық университеті
Байланыстар

+7 (727) 237-00-77

+7 (727) 237-18-52

Email: info@kazmkpu.kz

Барлық бөлімдердің байланыстары

Адрес: Алматы қ, Айтеке би к-сі, 99
Біз әлеуметтік желілердеміз
Жаңалықтарға жазылу
- «Университет жаңалықтарын білуге жазылыңыз!»
© Қазақ ұлттық қыздар педагогикалық университеті, 2020