Теориялық және практикалық психология кафедрасы

Білім беру
Кафедра туралы

Қазақ мемлекеттік қыздар педагогикалық институтында психология кафедрасы дербес кафедра ретінде 1972 жылы құрылған (28 қазан 1972 жылы № 150 бұйрық негізінде). Кафедра Республика көлемінде қызмет атқарып жүрген танымал ғалымдарды қалыптастырған және білім берудің әр саласына психолог-педагог мамандарын даярлайтын шеберхана іспетті өзіндік терең тарихы бар ұжым.
- 1973-1976ж. аралығында алғашқы кафедра меңгерушісі психология ғылымдарының кандидаты, доцент Е.С.Суфиев;
- 1976-1989ж. психология ғылымдарының кандидаты, профессор Қ.Р.Рахимбеков;
- 1989 – 2017ж. психология ғылымдарының докторы, профессор Х.Т.Шерьязданова;
- 2017-2019ж. психология ғылымдарының кандидаты, аға оқытушысы Л.К.Ермекбаева;
- 2019 жылдан философия ғылымдарының докторы (PhD) А.Ж.Аяпбергенова басқарып келеді.
Кафедрада «Онтогенезде тұлға қалыптасуының психологиялық ерекшеліктері» атты ортақ ғылыми-зерттеу бағыты бойынша жұмыстар жүргізіліп келеді.

Білім беру бағдарламалары: 5В010300/6В01101 — Педагогика және психология, 5В050300/6В03102 — Психология, 7М03102-Магистратура бойынша мамандар даярланады.

Білім беру бағдарламасының мазмұны білім беру саласында педагогика және психология ғылымдарының және озық педагогикалық тәжірибенің жетістіктеріне, жоғары білікті мамандардың қазіргі заманауи талаптарына сәкес келеді.

Миссия және стратегия

Ұлттық және халықаралық еңбек нарығына қажетті, қазіргі заманғы психологиялық зерттеу әдістерін меңгерген білім беру, денсаулық сақтау, әлеуметтік және құқықтық салалардағы кәсіби психологтарды даярлау.
- Профессор-оқытушылар құрамы
Кафедра құрамында штаттық бірлікте 20 оқытушы, оның ішінде профессор, ғылым докторы -1, PhD доктор -1, ғылым кандидаттары – 4, доценттер - 3, ғылым магистрлері - 11, 60 % ғылыми дәрежесі бар.

Кафедра оқытушы ғалымдары білім берумен қатар халықаралық, республикалық конференцияларға, Web of Science, Scopus базасына енген басылымдарда, Білім және ғылым саласындағы бақылау комитеті ұсынған ғылыми журналдар тізіміне кіретін басылымдарда, шетелдік ғылыми басылымдарда мақалалар жариялаумен қатар оқулықтар мен оқу құралдарын, монографиялар дайындап, жарыққа шығарып отырады.

«Жалпы психология», «Зоопсихология и сравнительная психология», «Әлеуметтік психология», «Психодиагностика», «Қарым-қатынас психологиясы», «Балалар психологиясы», «Басқару психологиясы», «Девиантология», «Юридическая психология», «Даму психологиясы», «Тұлға психологиясы», «Қазіргі заманғы психологияның тарихының дамуы, жағдайы, беталысы», «Психологияны оқыту әдістемесі», «Дау-дамайлар психологиясы», «Практикалық психология негіздері», «Жас ерекшелік психологиясы», «Арнайы психология мен педагогика негіздері», «Психология. Адамзат ақыл-ойының қазынасы» атты 10 томдық кітаптар сериясының бес томы, «Психологические основы игровой терапии детской тревожности», «Баланың жас ерекшеліктері және кемтар бала психологиясы», «Психология терминдерінің орысша-қазақша қысқаша сөздігі».
- Халықаралық байланыс
• Академиялық ұтқырлық бойынша Миссисипи алқабы Мемлекеттік университеті (АҚШ). Меморандум 08.04.2014 жыл.

• Санкт-Петербург мемлекеттік психология және әлеуметтік жұмыстар институты.
- Ғылымдағы жетістіктер
Кафедра профессор-оқытушылар құрамы әр жылдары мемлекттік және ведомостволық марапаттарға ие болды. «Қазақстанның еңбек сіңірген қайраткері», «ҚР білім беру үздігі», «Ы.Алтынсарин» атындағы, «Қазақстанның ғылымын дамытуға сіңірген еңбегі үшін», «Ерен еңбегі үшін» төс белгілері, ҚР БжҒм тарапынан алғыс хаттар мен грамоталар. А.Байтұрсынов атындағы алтын және күміс медальдары.

«Жоғары оқу орындарының үздік оқытушысы» атағы (2005, 2014, 2017жж). Оқулықтар мен оқу құралдарының, авторлық құқық куәлігі, ЭВМ бағдарлама (2021ж.-3).
- Студенттермен жұмыс
Студенттердің шығармашылығын шыңдауда кафедра ұжымының басшылығымен ауқымды шаралар ұйымдастырылып отырады. Халықаралық және республикалық, пәндік олимпиадаларға студенттерді дайындап қатыстыру жүйелі жүргізіледі.

Ананы қолдау жобасы аясында кәсіби стрессті зерттеу бойынша дағдарыстық қызмет диагностикасы, университетте өткізілген Халықаралық «76 фестиваль Арт практик» фестиваліне студенттер белсене қатысты. «Алакай балакай!», «Ана үйі» қоғамдық қорының аналар мен балаларына және инновациялық Стартап жоба «Easy life. Жить просто!» бойынша облыстық №1 балалар үйінің тәрбиеленушілерімен жұмыс жүргізу қолға алынған.

Мектепке дейінгі кезеңдегі балалардың танымдық қабілеттерін дамыту бағытында «Әрбір күнге арналған 365 ойын және боямақтар» атты «STARUP-TOMIRIS» инновациялық жобалар байқауында жүлделі екінші орын иеленді.
- Волонтерлік қызмет
«16 дней без насилий» атты акция; «Аналар үйінде», «Зорлық-зомбылық жағдайына ұшырағандарға психологиялық қолдау», «ҰБТ психологиялық дайындық» шеберлік сабағы, «Сессия алдындағы қорқыныш пен үрейді жеңу» тақырыбында семинар-тренингтер.

Кафедрада профессор-оқытушыларының ұйымдастыруымен «Психологиялық қолдау орталығы» жұмыс істейді. Карантин кезінде мазасыздық, үрей мен қорқыныш, стрестік күйден арылу мақсатында ZOOM платформасында вебинар семинар, видеоконференциялар жүйелі ұйымдастырылып отырады.
- - 6В01101 — Педагогика және психология
    
    6В03102 — Психология

Қазақ ұлттық қыздар педагогикалық университеті 1944 жылы негізі қаланған

Теориялық және практикалық психология кафедрасы

Білім беру

Кафедра туралы

Миссия және стратегия

Байланыстар