Қазақ ұлттық қыздар педагогикалық университеті 1944 жылы негізі қаланған
- Қаз
  - Қаз
  - Рус
  - Eng

Кітапханатану және библиография кафедрасы

Білім беру
Кафедра туралы

Кітапханатану және библиография кафедрасының тарихы ең алғаш 1956 жылы қыркүйекте институттың тіл және әдебиет факультеті жанынан ашылады. Оның бірінші курсына 25 адам қабылданып, 4 жыл оқиды. Осы кезден бастап кітапханатану, библиография пәндерін оқытуда ғылыми кеңестің шешімі мен институт дирекциясының бұйрығы бойынша құрылған Кітапханатану және библиография секциясы ұйымдастырылады.

Бұл кезде кітапханатану секциясын Әліпбек Жөкебайұлы Жөкебаев (1956 – 1986 жж.) қоғамдық негізде басқарады.

Секцияда кітапхана мен библиограф мамандарынан жасақталған 10 оқытушы, оның ішінде екеуі – штатта, 8 адам штаттан тыс жұмыс істеді. Оқу бағдарламасының негізгі мақсаты – болашақ кітапханашыларды даярлауда оларды жалпы ғылыми және жалпы методологиялық, арнайы пәндермен қамтамасыз ету, оқытудың практикалық және теориялық бағытта қатар жүргізілуін, пәндерді оқытудың жылдар бойынша жүйелі атқарылуына қол жеткізу болып табылады.

1960 жылы Қазақ мемлекеттік қыздар педагогикалық институты күндізгі бөлімінің 1 курсына адам қабылдауды 25-тен 50-ге көбейтеді. Ал, 1961 жылдың 1 қыркүйегінде кітапхана бөлімінің негізінде кітапханатану және библиография кафедрасы бар «кітапхана» факультеті құрылады. Кейін ол кітапхана танужәне библиография болып жеке дара кафедраларға бөлінеді. Кітапханатану кафедрасының алғашқы меңгерушісі, әрі кітапхана факультетінің деканы, педагогика ғылымдарының кандидаты, доцент - Әліпбек Жөкебайұлы Жөкебаев болады. Ал, библиография кафедрасын - доцент Ермек Сейханұлы Айтбаев басқарады.

Миссия және стратегия

Кітапханатанужәне библиография кафедрасының миссиясы: Үздікәлемдік тәжірибелер негізінде көшбасшы қыздарды даярлау арқылы адами капиталдың қалыптасуына үлес қосу. Инновациялық идеяларды жүзеге асырушы интеллектуалды көшбасшыларды даярлау.

Халықаралық байланыс

Кітапханатану және библиография кафедрасы Варшава мемлекеттік университетінің «Журналистика, ақпарат және библиология» бөлімі, Штутгарт жоғары мамандандырылған мектеп-бұқаралық ақпарат құралдарының жоғары мектебі, «Ақпарат және коммуникациялар» бөлімі, Санкт-Петербург мемлекеттік мәдениет институты, «Кітапхана және ақпарат» бөлімі, Кемерово мемлекеттік мәдениет институттарымен байланыс орната отырып, тәжірибе алмаса отырып білім беру бағдарламаларын жасауда.
Білім беру бағдарламалары
- - 6В03201 — Кітапхана ісі
Байланыстар

Байланыстар

Call-center: +7 (727) 237-00-77
Қабылдау комиссиясы: +7 (727) 237-00-65
Канцелярия: +7 (727) 233-18-45
Email: info@kazmkpu.kz
Адрес: Алматы қ, Айтеке би к-сі, 99
Қоғамдық қабылдау
Комплаенс қызметі
© Қазақ ұлттық қыздар педагогикалық университеті, 2023