Ораза айт мерекесіне орай Басқарма Төрағасы Университеттің ардагер ұстаздарын айт дастарқанына шақырды
-
21 сәуір, 2023
![Ораза айт мерекесіне орай Басқарма Төрағасы Университеттің ардагер ұстаздарын айт дастарқанына шақырды]()
Бүгін Ораза айт мерекесіне орай Басқарма Төрағасы-Ректор Гүлмира Қанай Университеттің профессор-оқытушылар құрамындағы ардагер ұстаздарды айт дастарқанына шақырды.
Университетте талай жыл қызмет атқарып, ұлт болашағы — ұрпақ тәрбиелеуге елеулі еңбегі сіңірген ардақты ұстаздарымызды құрметтеп, үлкенге ізет көрсету мақсатында ұйымдастырылған игі шарада Басқарма Төрағасы барша оқытушы-профессор қауымына алғыс білдіріп, мерекемен құттықтады. Университет басшылығының тарапынан көрсетілген ізгі ниетпен құрметке ардагерлеріміз де алғыстарын жаудырып, ақжарма тілектері мен ақ батасын берді. Ата салтымыздағы «Үлкенге құрмет, кішіге ізет көрсету» салтын ұстану арқылы өскелең ұрпаққа үлгі болу – жас маманды тәрбиелейтін орта үшін басты міндеттердің бірі. Бұл игі шараға университеттің кәсіподақ ұйымы да белсене атсалысты.
МЕДИА
Бөлісу:
