Университеттің үздік 100 студенті марапатталды
-
13 маусым, 2023
![Университеттің үздік 100 студенті марапатталды]()
13 маусым Қазақ ұлттық қыздар педагогикалық университетінде "QYZPU-дың 100 үздік студенті" атты ерекше іс- шара болып өтті. Аталмыш шарада университеттің Басқарма Төрағасы – Ректор Гүлмира Қанай 2022-2023 оқу жылында ең үздік нәтиже көрсеткен таңдаулы студенттерді марапаттады.
Марапаттау рәсімінен бұрын, университеттің жастар ісі жөніндегі басқармасының студенттік өзін-өзі басқару ұйымдарының «Жастар рухы жастар қанаты», «Саналы ұрпақ», «Парасатты нағыз лидерлер клубы», «Қыз Жібек», «Ақ қауырсын», «SERT полиция көмекшісі», «Жасыл ел» жастар еңбек жасағы, «Қазақстан Валантерлар лигасы» тағы да басқа ұйымдардың төрайымдары өздерінің бір жылғы қорытынды есебін берді. Сонымен қатар, Жастар ісі жөніндегі басқарма басшысы Дауленбаева Мейрамгүл Бахытжанқызы студенттік ұйымдардың бір жыл бойғы атқарған жұмыстарының нәтижесімен бөлісіп, алдағы жылға қойған жоспарларымен де таныстырып өтті.
«QYZPU-дың 100 үздік студенті» атану үшін білім алушылар 4 санат бойынша іріктелді:
- Спорт;
- Шығармашылық;
- Академиялық қызмет;
- Әлеуметтік белсенділік.
Сондай-ақ, үздік 6 студент жыл бойғы жеткен халықаралық, республикалық байқаулардан алған жүлделі орындары мен жетістіктері үшін және әлеуметтік жағдайына байланысты Басқарма Төрағасы— Ректор Гүлмира Қанайдың арнайы марапатына тағайындалып, ақшалай сертификаттарға ие болды.
Атап айтсақ, Дене шынықтыру және спорт кафедрасының студенті, Ракишева Айша Викторқызы 500 мың теңге, Физика, математика және цифрлық технологиялар институтының студенті Әлібек Нұрбақыт Нұрланқызы және Әлеуметтік-гуманитарлық ғылымдар және өнер институтының студенті Куралбаева Дана 300 мың теңге, Жаратылыстану институтының студенті Амирқұл Балайым Саламатқызы, Әлеуметтік ғылымдар және өнер институтының студенті Құтбан Асель Бақытқызы, Филология институтының докторанты Елеусіз Айгүл Бейбітқызы 200 мың теңге ақшалай сертификатқа ие болды.
Есеп беру әрі марапаттау кеші студенттердің арнайы дайындаған концерттік бағдарламасына ұласты. Студенттердің жетістіктері мен білімін бағалап, оның әлеуметтік жағдайына да терең мән беріп, ынталандыру, қолдау мақсатында ұйымдастырылған шара – жастардың болашаққа жігерлі көзқараспен қарауына, нәтижелі жетістіктерге жетуіне, сол арқылы еліміздің келешегін дамытуға зор үлесін қоспақ.
МЕДИА
Бөлісу:
