«Ғылым декадасы – 2024» аясында «ҚазҰлтҚызПУ ғалымдарының ғылыми жетістіктері» атты ғылыми жобалар көрмесі өтті
-
23 сәуір, 2024
![«Ғылым декадасы – 2024» аясында «ҚазҰлтҚызПУ ғалымдарының ғылыми жетістіктері» атты ғылыми жобалар көрмесі өтті]()
11 сәуір мен 26 сәуір аралығында университетте «Ғылым декадасы – 2024» аясында ғылыми жобаларының көрмесі өтті. Ғылым департаменті ұйымдастырған іс - шарада: ҚР ҒЖБМ мен Ғылым комитеті тарапынан гранттық қаржыландыруға арналған ғылыми, ғылыми - техникалық жобалар және ішкі қаржыландыру аясында жүзеге асырылып жүрген жобалар ұсынылды.
Көрмеде ақпараттық технологиялардан бастап әлеуметтік-гуманитарлық зерттеулерге дейінгі білімнің әртүрлі салаларын қамтитын 18 жоба ұсынылды. Көрмеге қатысушылар ғылыми-зерттеу үдерісімен танысуға, ғылыми қызметтің даму перспективаларын анықтауға, ғылыми қызметті дамыту перспективаларын талқылауға және әріптестерімен тәжірибе алмасуға бірегей мүмкіндік алды.
Іс-шара ғалымдар мен келушілер арасында кеңінен танымал болды. Әртүрлі салалардағы өзекті мәселелерді шешуге бағытталған жобаларға, сондай-ақ болашақ идеясын өзгерте алатын инновациялық технологияларға ерекше назар аударылды.
Көрме тек ғылыми жетістіктерді көрсету алаңы ғана емес, сонымен қатар жаңа ғылыми байланыстар орнату және болашақ зерттеулер үшін серіктестер табу орнына айналды.
Бөлісу:
