«QyzPU сенің қалаңда!». Рекрутингтік топ жолға шықты
-
11 наурыз, 2022
![«QyzPU сенің қалаңда!». Рекрутингтік топ жолға шықты]()
АЛМАТЫ. 11 наурыз. Баспасөз орталығы – Биыл QyzPU University-ға оқуға түскісі келетін талапкерлер үшін маңызды ақпаратты ұсынамыз! Біздің Университетте білім алуды қалайтын биылғы мектеп түлектеріне оқуға түсу шарттары мен QyzPU туралы жан-жақты әрі сенімді ақпарат тарату үшін арнайы рекрутингтік топ еліміздің аймақтарына шықты.
«QyzPU сенің қалаңда!» жобасы бірнеше кезеңді қамтиды.
I-кезең.
Мерзімі: 14-19 наурыз.
Өңірлер: Түркістан қаласы, Нұр-Сұлтан қаласы, Шымкент қаласы, Жамбыл облысы, Тараз қаласы.
Іс-шара шеңберінде QyzPU өкілдері аталған өңірлердегі мектеп ұжымдарымен және оқушылармен кездеседі.
Кездесулерде Сізді күтеді:
• Университет туралы презентация! Сіз QyzPU University-де оқу және студенттік өмір туралы толыққанды ақпарат ала аласыз;
• Танымал түлектердің бейне үндеулері мен QyzPU берген мүмкіндіктер жайлы танымдық роликтер сериясы;
• Жетістікке жеткен студенттермен кездесулер мен барлық сұрақтарға жауаптар.
Біз Сізді алдын-ала хабарландырып отырамыз. Мүмкіндікті жіберіп алмаңыз!
P.S.: Бүгін QyzPU University-де рекрутингтік топпен кездесу өтті. Кездесуде бағдарлама таныстырылып, маңызды ақпараттар ортаға салынды. Сонымен қатар талапкерлерге бағытталған қажетті мәліметтер сарапталды.
Коммуникация және маркетинг департаменті
Байланыс телефоны: +7 727 237 00 05 
e-mail: qyzdar_universitety@qyzpu.edu.kz Бөлісу:
